1 Samuele 25:2 - Tonga Bible 1986

² Kuwa kwenga munthu mu Maono, yo nchitu yake yenga ku Karmele. Munthu uyu wenga musambasi; wenga ndi mberere vikwi vitatu (3,000) mbuzi chikwi chimoza (1,000) wasenganga mberere zake mu Karmele.

1 Samuele 25:2 ပူးပေါင်းရင်းမြစ်များ

Chiyambo 13:2

Sono Abramu wangusambasa ukongwa mu ng'ombe, mu siliva, ndi mu golide.

Chiyambo 26:13

ndipo uyu munthu wangusambasa, ndipo wangusakatiyapo so vinyake ndi vinyake, mpaka wanguŵa muromba ukongwa.

Chiyambo 31:19

Labani wanguruta kwachisenga mberere zake, ndipo Rakelo wanguba ŵachiuta ŵamu nyumba ya awiske.

Chiyambo 32:14

mbuzi zinthukazi machumi pe chumi ghaŵi (200), ndi mbuzi zinthurumi machumi ghaŵi (20), mberere zinthukazi machumi pe chumi ghaŵi (200), ndi mberere zinthurumi machumi ghaŵi (20),

Chiyambo 38:13

Ndipo penipo Tamara wangumunene kuti, “Msibweni wako watiya ku Timina kwachisenga mberere zake,”

2 Samuele 19:32

Barzilai wenga wakukota ukongwa wa umoyo wa virimika machumi ghankhonde ndi ghatatu (80); ndipo ndiyo wapaskanga kurgha karonga po wajanga pa Mahanaimi; pakuti wenga munthu msambasi ukongwa.

Jobu 1:3

Wenga ndi mberere, vikwi vinkhonde ndi viŵi (7,000) ŵagamila vikwi vitatu (3,000) magori gha ng'ombe machumi pe chumi ghankhonde (500), ndi mbunda zinthukazi, machumi pe chumi ghankhonde (500) ndi ŵateŵeti ŵanandi ukongwa, viyo munthu uyu wenga wakuzirwa ukongwa kuruska ŵanthu wose kuvuma.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Sumu 17:14

ku ŵanthurumi ndi janja linu, A Chiuta, ku ŵanthurumi wo chigaŵa chawo mbumoyo wamu charu ichi. Mphanyi nthumbu yawo mwayizaza ndi vyo imwe mwaŵaŵikiya; ŵana ŵawo ŵagute kwakurutizga; mphanyi malitema ghawo ŵaghasiriya vyo iwo ŵasiyako.

Nthanthi 30:22

muŵanda asani watuŵa karonga, ndi mubereŵeza asani waguta kurgha,

Yoswa 15:55

Maono, Karmele. Zifi, Yuta,

1 Samuele 15:12

Samuele wangusoka ndi mlenji-lenji kwachikumana ndi Sauli; wanguziŵiskika kuti, “Sauli wanguza ku Karmele, awonani, wakujimikiya chikumbusku, wakuzunguliya, ndi kurutiliya kusikiya ku Gilgala.”

1 Samuele 23:24

Viyo wangusoka, kuruta ku Zifi paurongo paku Sauli. Sono Davidi ndi ŵanthu ŵake ŵenga mu bozwa la Maono, mu Araba kumwera kwa Yeshimoni.

1 Samuele 30:5

Ŵawoli ŵaku Davidi wose ŵaŵi nawo ŵangutoreka, Ahinoama waku Yezerele, ndi Abigaili choko chaku Nabala waku Karmele.