1 Samuele 25:18 - Tonga Bible 1986

¹⁸ Penipo Abigaili wangutinthimika, wanguto viŵande machumi pe chumi ghaŵi (200) mathumba gha vinyo ghaŵi, mberere zinkhonde zakubayiya limu, myeso yinkhonde ya trigu wakukazinga, makhoroza machumi pe chumi (100) gha mphereska za kumira, ndi maburunga machumi pe chumi ghaŵi (200) gha nkhuyu, wanguviŵika pa zimbunda.

1 Samuele 25:18 ပူးပေါင်းရင်းမြစ်များ

2 Samuele 16:1

Penipo Davidi wangujumpha pachanya pa phiri kamanavi, Ziba munyamata waku Mefiboshete wangukumana nayo, wenga ndi mbunda ziŵi zakuŵa ndivyakujapo vyake, zingupinga maburunga gha viŵande machumi pe chumi ghaŵi (200), makhoroza gha mphereska za kumira machumi pe chumi (100) vipasi vya chihanya machumi pe chumi (100), ndi thumba la chikopa lakuzaza vinyo.

1 Mikoka 12:40

Ndipo ŵanase ŵawo kutuwa ku Isakara, Zebuluni, ndi Naftali ŵanguza ndi vyakurgha pa mbunda ndi pa ŵagamila ndi pa nyulu ndi pa ng'ombe, ufwa, nkhuyu mphereska, vinyu, mafuta, ng'ombe zinthurumi, ndi mberere zinandi; mwenga likondwa likuru mu Yisraele.

Nthanthi 18:16

Mpasku wamunthu utumulongosole iyo malo ndipo utumutole paurongo pa ŵanthu ŵakuzirwa.

Nthanthi 21:14

Chaulera cha kuubende chituzgapo ukari, ndi vinda lapa chifuŵa lituzgapo uzitu.

Nthanthi 31:12

Watimuchitiya umampha, urwani cha, mu mazuŵa ghose gha umoyo wake.

Mateyu 5:25

Uŵe pa wanasi ndi mphindikwa yako ruŵi, weche nayo mu nthowa; vinu kokuli mphindikwa yo yingakupereka ku mweruzgi, ndi mweruzgi wangakupereka ku mlinda wa ŵamkoli yo, ndi ungatayika mu ulinda.

1 Samuele 17:17

Sono Jese wangumnene Davidi mwana wake, “Uto mweso wa vyakurgha vyakukazinga, ndi viŵande chumi uŵapingiye ŵabali ŵako, uruti navyo ruŵi ku ugoŵi;

1 Samuele 25:17

Mu chifukwa ichi uziŵe ndi ughanaghane paku cho ungachita; pakuti uheni wasimikizgika kuchitikiya pa mbuyafwe ndi pa nyumba yake yose, ndipo we ndi umoyo uheni mwakuti yumoza kuti wangakamba nayo cha.”

1 Samuele 25:34

Chifukwa kwakuneneska mo aliri amoyo Ambuya Chiuta waku Yisraele, yo wandikanizga kukuchitiya uheni, asani wengavi kutinthimika kuzachikumana nane, ndineneska mphanyi kuti wajangako nanga njumoza cha kufika mawa ndi mlenji wa ŵanyumba yaku Nabala.”