1 Samuele 25:13 - Tonga Bible 1986

¹³ Ndipo Davidi wanguti ku ŵanthu ŵake, “Munthu yose wamangiriye lipanga lake!” Ndipo munthu yose waku iwo wangumangiriya lipanga lake, Davidi nayo wangumangiriya lipanga lake, akhumba ŵanthu machumi pe chumi ghanayi (400) ŵangukwera pavuli paku Davidi; penipo ŵanthu machumi pe chumi ghaŵi (200) ŵangu ja ndi ŵakatundu.

1 Samuele 25:13 ပူးပေါင်းရင်းမြစ်များ

2 Samuele 15:18

Ŵateŵeti ŵake wose ŵangumujumpha; wose ŵaKareti ndi ŵaPeleti, ndi ŵaGiti wose machumi pe chumi nkhonde ndi limoza (600) wo ŵangumurondo kutuwa ku Gata, ŵangwenda paurongo pa karonga.

Nthanthi 14:29

Mweniyo wareka kukala ruŵi wendikuwamo kukuru, kweni mweniyo ngwakukala ruŵiruŵi wakuzga kupusa.

Nthanthi 16:32

Mweniyo ngwakuura kukwiya ruŵi ngwamamphaku ku wanthazi, ndipo mweniyo wateruzga mzimu wake waruska mweniyo wakwamphuwa msumba.

Nthanthi 19:11

Ghanaghanu lamampha likanizga munthu kukara ruŵi, ndipo mbunkhankhu wake, kugowoke kunanga.

Nthanthi 19:2

Kuti kuyamu cha kuti munthu wajenge wambura chinjeru, ndipo mweniyo wachita fulumila ndi marundi ghake wataya nthowa yake.

Nthanthi 20:22

Ungambanga cha, “Nkhalipanga uheni”; lindizga Ambuya, ndipo akakovyanga.

Nthanthi 25:8

Chenicho jiso lako lawona ungachitolenga mwafulumira mu bwalo, pakuti uchitengenje pa umali, penipo muzengezgani wako wachikulengeska?

Yoswa 9:14

Ndipo ŵaYisraele ŵangusanganapo pa vyakurgha vyawo, kweni ŵengavi kufumba urongozgi ku Ambuya.

1 Samuele 22:2

Munthu yose yo wanguŵa mu masuzgu ndi yose yo wanguŵa ndi mlandu wangungole, ndi yose yo wangupwetekeka mtima, ŵanguwunjikana kwaku iyo; ndipo wanguŵa nduna yawo. Ndipo kwenga pamoza nayo ŵanthu akhumba machumi pe chumi ghanayi (400).

1 Samuele 23:13

Sono Davidi ndi ŵanthu ŵake wo wenga akhumba machumi pe chimi ghankhonde ndi limoza (600), ŵangusoka ŵangutuwamo mu Keila, ndipo wanguruta kose ko ŵangukhumba kuruta. Wanguti wavwa Sauli kuti Davidi watuwa mu Keila wangureka kumurondo.

1 Samuele 25:12

Viyo ŵanyamata ŵaku Davidi ŵanguwere vuli, ŵangumukambiya Davidi vyose ivi.

1 Samuele 27:2

Viyo Davidi wangusoka wanguruta iyo ndi ŵanthu machumi pe chumi ghankhonde ndi limoza (600) wo ŵenga nayo, kuya kwaku Akishi mwana waku Maoka, karonga waku Gata.