1 Samuele 24:9 - Tonga Bible 1986

⁹ Ndipo wanguti kwaku Sauli, “Chifukwa nchine mutuvwa ku makambiru gha ŵanthu wo ŵatiti, ‘Awonani, Davidi wapenja kumupwetekani?’

1 Samuele 24:9 ပူးပေါင်းရင်းမြစ်များ

Sumu 101:5

Ndikaphwanyanga munthu mweniyo warongorore uheni pa muanasi wake ku ubende. Munthu wa maso ghakujitunthwa ndi mtima wa kujikuzga kuti ndimulekerezgenge waka cha.

Sumu 141:6

Penipo ŵaperekeka ku ŵeruzgi wo ŵakaŵeruzganga, po ndipo ŵanthu ŵazomerenge kuti mazu gha Ambuya ngakuneneska.

Nthanthi 16:28

Munthu wakupuruska watandaniska ndeu, ndipo wakutokotezga wapatuwa mabwezi ghakuziŵirizgana nagho.

Nthanthi 17:4

Wakuchita uheni wategherezga kumilomo ya mphulupulu; ndipo mutesi wategherezga ku lilime lakusovya.

Nthanthi 18:8

Mazu gha wakutokotezga ghachitauli nkhurgha kwakusamuka; ghasere mu viŵaru vya mukati vya liŵavu.

Nthanthi 25:23

Mphepo yaku nkhonde yituza ndi vuwa, ndipo lilime lakusuza, lirereska kwa ukari.

Nthanthi 26:28

Lilime litesi litinkha ŵakulimbana nalo, ndipo mlomo wakunyengere uchita phasulu.

Nthanthi 29:12

Asani mweruzgi wategherezga ku utesi nduna zake zose zikaŵanga za mphulupulu.

Yeremiya 37:18

Yeremiya wanguti soka karonga Zedikiya, “Nchine cho ndakwanangiya pamwenga ndanangiya ŵateŵete ŵako, pamwenga ŵanthu Yaŵa, po ŵandiŵika mu ukaidi?

ŴaLevi 19:16

Mungaŵanga ŵamwendanato cha mukati mu ŵanthu ŵinu, ndipo mungachitanga ukaboni wa kupusika cha pa umoyo wamuzengezgani winu. Ndine Ambuya.

Yakobe 3:6

Ndipo lilime ndi moto; lilime ncharu chambura urunji mukati mu viŵaru vidu, lakukazuzga liwavu lose, lakuŵika pa moto gulinga wa kaŵiru kidu, ndipo lakukozgeka moto ndi gehena.

1 Samuele 20:1

Ndipo Davidi wanguthaŵa ku Nayoti mu Rama, wanguza ndi wangurongoro ndi Jonafani, wakuti, “Ndachitanji? Ulakwi wangu ngune? Ndipo ngune uheni wangu pa maso gha ausu, kuti ŵapenja umoyo wangu?”

1 Samuele 20:41

Wanguti waruta munyamata yuwa, Davidi wangusotopoka pa muru wa mya, wanguwa pasi kavunama wangukotama katatu; ndipo ŵangufyofyonthana yumoza ndi munyake, ndi kuliriyana yumoza ndi munyake, kweni Davidi wanguliya kwakuruska.

1 Samuele 24:10

Alereni, zuŵa lino maso ghinu ghawona mo Ambuya amperekiyani mu janja langu mu mphanji ŵanyake ŵatinge ndimubayeni, kweni ine ndamurekani. Ndakamba kuti, ‘Kuti ndiŵikenge janja langu kumikana ndi mbuyangu cha, chifukwa ngwakupakika wa Ambuya.’

1 Samuele 24:8

Pavuli Davidi nayo wangusoka, wangutuliya kubwaro, wangudana pavuli paku Sauli, wakuti, “Mbuyangu karongo!” Pakung'anamuka Sauli, Davidi wangukotama mutu wake pasi wangumulambiya.

1 Samuele 26:18

Ndipo wanguti, “Chifukwa nchine mbuyangu murondo pavuli pa mteŵeti winu? Ndachitanji? Ngune uheni wo we mu manja ghangu?

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’