1 Samuele 24:10 - Tonga Bible 1986

¹⁰ Alereni, zuŵa lino maso ghinu ghawona mo Ambuya amperekiyani mu janja langu mu mphanji ŵanyake ŵatinge ndimubayeni, kweni ine ndamurekani. Ndakamba kuti, ‘Kuti ndiŵikenge janja langu kumikana ndi mbuyangu cha, chifukwa ngwakupakika wa Ambuya.’

1 Samuele 24:10 ပူးပေါင်းရင်းမြစ်များ

Sumu 105:15

Wanguti, “Rekani kukwaska ŵateŵeti ŵangu ŵakusankhika; ŵamchimi ŵangu mungaŵachitiyanga uheni cha!”

Sumu 125:3

Chifukwa ndodo ya ŵaheni kuti yikausanga pa charu chakugaŵikiya ŵarunji cha, vinu ŵakurunjika wo ŵangatambaluriya manja ghawo ku kuchita uheni.

Sumu 7:3

Ambuya Chiuta wangu, asani ndachita ichi, asani mwe kubende mu manja ghangu,

Sumu 7:4

asani ndamuwezge uheni mwanasi wangu, pamwenga kuphanga vya murwani wangu kwambura kafukwa,

Chituwa 21:13

Kweni asani kuti wangumukhazga cha, kweni Chiuta ndiyo wamupong'a mu janja lake, po ndipo ndikakutemiyaninga malo kweniko wangathaŵiya.

Ezekiele 22:9

Mwe ŵanthu mwaku iwe wo mbamwendanato kudiska ndopa, mwe ŵanthu wo ŵaturgha pa mapiri, ŵalimo mukati mwako wo ŵachita vinthu vya ukazuzi.

ŴaLevi 19:16

Mungaŵanga ŵamwendanato cha mukati mu ŵanthu ŵinu, ndipo mungachitanga ukaboni wa kupusika cha pa umoyo wamuzengezgani winu. Ndine Ambuya.

1 Samuele 24:4

Ndipo ŵanthu ŵaku Davidi ŵangunena nayo, “Lino ndi zuŵa lo Ambuya atimukambiyani kuti, ‘Awona, ndampereka murwani wako mu janja lako ukamuchitiyanga chose cho nchamampha kwako.’ ” Penipo wangusoka Davidi mwauchenjezi wangudumuwako mkano wa khanju laku Sauli.

1 Samuele 24:9

Ndipo wanguti kwaku Sauli, “Chifukwa nchine mutuvwa ku makambiru gha ŵanthu wo ŵatiti, ‘Awonani, Davidi wapenja kumupwetekani?’