1 Samuele 23:7 - Tonga Bible 1986

⁷ Viyo kunguziŵiskika kwaku Sauli kuti Davidi wakuza ku Keila. Sauli wanguti, “Chiuta wampereka mu janja langu; pakuti wajijariya iyo mweneko pakusere mu msumba weniwo wendi vipata ndi mipingirizgu.”

1 Samuele 23:7 ပူးပေါင်းရင်းမြစ်များ

Jobu 20:5

Kuti kujitukumuwa kwa munthu muheni nkhufupi mu charu, ndi likondwa la munthu wambura kuziŵa Chiuta nda kanyengo kafupivi?

Sumu 31:21

Atumbikike Ambuya, chifukwa kwakuziziswa andirongo chanju chawo chikuru, penipo ndenga wakujaririka nge ndi mu msumba wakuzingirizgika.

Chituwa 14:3

Pakuti Farao wakakambanga kuti ŵaYisraele ‘Ŵawira mu charu; bozwa laŵajariya mukati.’

Chituwa 15:9

Wamawongo wanguti, ‘Ndikandondoloskanga, ndikaŵakonga, ndikagaŵanga vyakuskowa, khumbo langu likagutiskikanga ndi vyenivi, ndikawewepuwanga lipanga langu, janja langu likaŵamaranga.’

1 Samuele 23:14

Ndipo Davidi wajanga mu malinga ghakukhozgeka mu bozwa mu charu cha mapiri mu bozwa laku Zifi, ndipo Sauli wamupenjanga, zuŵa ndi zuŵa, kweni Chiuta wengavi kumpereka mu janja lake.

1 Samuele 23:6

Ndipo Abiatara mwana waku Ahimeleke wachithaŵiya kwaku Davidi ku Keila, wanguza wakupinga efodo mu janja lake.

1 Samuele 23:8

Ndipo Sauli wangumemeze ŵanthu wose ku khondo, kuti ŵasikiye ku Keila, ŵamuzinge Davidi ndi ŵanthu ŵake.