1 Samuele 23:17 - Tonga Bible 1986

¹⁷ Wangunena nayo, “Ungopanga; chifukwa janja la ada a Sauli kuti likusaniyenge cha; ukaŵanga karonga pa ŵaYisraele; ndipo ndikaŵanga pafupi nawe; ada nawo a Sauli ŵaziŵa ichi.”

1 Samuele 23:17 ပူးပေါင်းရင်းမြစ်များ

Sumu 118:6

Ndi Ambuya pamoza nane, kuti nditopa cha; wachitengenji nane munthu?

Nthanthi 14:26

Mu kopa Ambuya munthu wendigomezgu la nthazi, ndipo ŵana ŵake ŵakaŵanga ndi pakubisama.

Nthanthi 19:21

Maghanoghano nganandi mu muwongo wa munthu, kweni nchenicho chakukhumba Ambuya cho chikachitikanga.

Yesaya 35:3

Khomeskani manja ghakutomboroka, khozgani makongono ghakupunduka.

Yesaya 35:4

Ku ŵa mtima wa mantha unene, “Nkhwimani, kopa cha! Ehe, Chiuta winu wakazanga ndi thayu, ndi kuwezge nduza kwaku Chiuta. Wakazanga kumutaskani.”

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Machitidu gha Ŵakutumika 28:16

Ndipo penipo tingusere mu Roma, Paulo wanguzomerezgeka kuja pakuyija, pamoza ndi wankhondo yo wamlindanga.

Machitidu gha Ŵakutumika 5:39

kweni asani nja kwaku Chiuta, kuti muŵenge ŵanthazi kuŵabwanganduwa cha; vinu napu kokuli mungasanirika ŵakurwana ndi Chiuta.”

ŴaRoma 15:24

penipo ndirutenge ku Spanya, ndigomekezga kumwonani ndichidumuwako, ndi kuperekezgeka kweniko ndi imwe, asani ndadanga ndasangaruka kuseŵe namwe kanyengo.

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

1 Samuele 20:31

Pakuti nyengo yose yo mwana waku Jese wakajariyanga ndi umoyo pa charu chapasi, paulengevi chingana ndiwe nanga ndi ufumu wako kuti ukakhozgekanga cha. Chifukwa ichi tuma ŵanthu wapenjeke ndipo ŵazi nayo kuno kwangu, pakuti nadi wakafwanga.”

1 Samuele 22:23

Uje ndi ine, ungopanga cha; pakuti yo wapenja umoyo wangu wapenja umoyo wako; ndi ine ukasungikanga umampha.”

1 Samuele 24:19

Chifukwa asani munthu wasaniya murwani wake, kumbi wangamusiya waka kuti warutenge? Ambuya akupaske mphoto yamampha pa chifukwa chaku vyo wandichitiya msana wale.

1 Samuele 24:20

Ndipo sono, awona, ndipanikizga kuti ukaŵanga karonga ndikuti ufumu wa ŵaYisraele ukakuzgikangamu janja lako.

1 Samuele 24:21

Viyo ndirapiye ku Ambuya kuti, kuti ukadumuwangako cha mphapo yangu yakuza pavuli pangu, ndikuti, kuti ubwanganduwenge zina langu cha mu nyumba ya ada.”

1 Samuele 24:4

Ndipo ŵanthu ŵaku Davidi ŵangunena nayo, “Lino ndi zuŵa lo Ambuya atimukambiyani kuti, ‘Awona, ndampereka murwani wako mu janja lako ukamuchitiyanga chose cho nchamampha kwako.’ ” Penipo wangusoka Davidi mwauchenjezi wangudumuwako mkano wa khanju laku Sauli.

1 Samuele 25:30

Ndipo kuŵenge kuti po Ambuya afiska ku ambuyangu kwakulingana ndi vyamampha vyose vyo akamba vyapaku imwe, ndi kumumikani kuŵa pa ŵaYisraele,