1 Samuele 23:16 - Tonga Bible 1986

¹⁶ Ndipo Jonafani, mwana waku Sauli, wangusoka, wanguruta kwaku Davidi ku Horesi, kukhozga chiganga chake mwaku Chiuta.

1 Samuele 23:16 ပူးပေါင်းရင်းမြစ်များ

Nehemiya 2:18

Ndipo ndinguŵanene gha janja laku Chiuta wangu lo lenga pamoza nane kutichitiya vyamampha, ndi so mazu gha karonga gho wangundiŵereŵete. Ndipo iwo ŵanguti, “Tiyeni tipamphuke tizenge.” Viyo ŵangulimbiska manja ghawo, pa mlimu uwu wamampha.

Jobu 16:5

Ndatinge ndikukhwimiskenge ndi mlomo wangu, lisungu la mlomo wangu mphanyi lagowozga chitima chinu.

Nthanthi 27:17

Chisulo chinora chisulo, ndi munthu yumoza wanora munyake.

Nthanthi 27:9

Mafuta ndi vyachema vikondwereska mtima, kweni mzimu uparuka ndi suzgu.

Ezekiele 13:22

Chifukwa kwautesi mwachitiska chitima wakurunjika nanga ine kuti ndamuchitiska chitima cha, ndi mwalimbiska muheni, kuti ndamuchitiska chitima cha, ndi mwalimbiska muheni, kuti wareke kung'anamukako ku nthowa yake yiheni mwakuti wataske umoyo wake;

Luka 22:32

kweni ine ndinguŵeyerere paku iwe, alinga kuti chingapereŵe cha chivwanu chako; ndipo iwe, utakuti wang'anamuka, khozganga ŵabali ŵako.”

Luka 22:43

Ndipo wangumwoneke mungelo wakutuliya kuchanya, wakumkhomeska.

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

Marangu 3:28

Kweni unene Yoswa, umukhwimiske mtima ndi kumukhomeska. Ndipo wamukwambuska ŵanthu yaŵa ndi kuŵaronde charu cho uchiwona.’

2 Timote 2:1

Viyo iwe, wamwana wangu, jikhomeske mu wezi wamwaku Kristu Yesu.

1 Samuele 23:15

Davidi wanguŵa ndi mantha chifukwa Sauli wangutuwa kupenja umoyo wake. Davidi wenga mu bozwa la Zifi pa Horesi.

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.