1 Samuele 22:3 - Tonga Bible 1986

³ Davidi wangutuwa wanguya ku Mizpa waku Moabu, ndipo wangunena ndi karonga waku Moabu, “Ndimurombani wazomerezgeni ada ndi ama kuti ŵaje namwe, mpaka po ndaziŵa cho Chiuta wakandichitiyanga.”

1 Samuele 22:3 ပူးပေါင်းရင်းမြစ်များ

Chiyambo 47:11

Sono Yosefe wangujarika awiske ndi ŵana ŵanyake ndi wanguŵapaska chihara mu charu cha Egipiti, cha nyata, mu charu cha Ramesese, uli ndimo wangulanguliya Farao.

2 Samuele 8:2

Wangupunda ŵamoabu, ndipo wanguŵapima ndi chingwi wanguŵagoneka pasi; wangupima mizere yiŵi kuti ŵabayike, ndipo muzere utali umoza kuŵasiya ŵamoyo. ŴaMoabu ŵanguŵa ŵaŵanda kwaku Davidi ŵangupereka mthulu.

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

1 Timote 5:4

Kweni asani choko chinyake che nawo ŵana pamwenga ŵazuku, ŵasambire yaŵa danga kuchitiya mbumba yaku ŵija ulemu, ndi kuwerezga ŵapapi ŵawo liwerezga chifukwa chenichi nchamarondeka mu maso ghaku Chiuta.

Ŵeruzgi 11:29

Sono mzimu wa Ambuya unguza paku Jefta, ndipo wanguporota mu Gileada ndi Manase, wangurutiriya ku Mizipa waku Gileada ndipo kutuwa ku Mizipa waku Gileada wangurutiriya ku Amoni;

Ruti 4:10

Ndipo Ruti mu Moabu choko chaku Maloni, ndagula kuŵa muwoli wangu, kurutizga zina la wakufwa, kuti lireke kuzilimitiya mukati mu ŵabali ŵake ndi ku likomo la kwake, mwe ŵakaboni msana wale.”

Ruti 4:17

Ndipo ŵanthukazi ŵakuzengezgana nawo ŵangumupaska zina ŵanguti, “Mwana munthurumi wapapika kwaku Naomi.” Ŵangumudana Obede, wenga wiske waku Jese, wiske waku Davidi.

1 Samuele 14:47

Kweni wanguti wato ukaronga mu Yisraele, wangurwana ndi ŵarwani ŵake wose uku ndi uku, ŵa Amoni, ŵaEdomo, ŵaKaronga ŵaku Zoba, ndi ŵaFilisti, ko kose wangung'anamukiya wanguŵasuzga.

1 Samuele 22:2

Munthu yose yo wanguŵa mu masuzgu ndi yose yo wanguŵa ndi mlandu wangungole, ndi yose yo wangupwetekeka mtima, ŵanguwunjikana kwaku iyo; ndipo wanguŵa nduna yawo. Ndipo kwenga pamoza nayo ŵanthu akhumba machumi pe chumi ghanayi (400).

1 Samuele 22:4

Wanguŵasiriya mu manja gha karonga waku Moabu, ndipo ŵanguja nayo nyengo yose yo Davidi wanguŵiya mu linga.

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”