1 Samuele 22:2 - Tonga Bible 1986

² Munthu yose yo wanguŵa mu masuzgu ndi yose yo wanguŵa ndi mlandu wangungole, ndi yose yo wangupwetekeka mtima, ŵanguwunjikana kwaku iyo; ndipo wanguŵa nduna yawo. Ndipo kwenga pamoza nayo ŵanthu akhumba machumi pe chumi ghanayi (400).

1 Samuele 22:2 ပူးပေါင်းရင်းမြစ်များ

2 Samuele 17:8

Pakurutiliyapo Hushai wanguti, “Uziŵa iwe kuti ausu ndi ŵanthu ŵawo mbanthu ŵanthazi ukongwa, ndipo mitima yawo ye muchanya, nge ndi biyere yo wakwamphulika ŵana mu dondo. Pade paku ichi, ausu ndi ngwazi mu nkhondo; ndipo kuti ŵangagona mu usiku pamoza ndi ŵanthu cha.

2 Samuele 5:2

Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

2 ŴaKaronga 4:1

Sono muwoli wa yumoza wa ŵana ŵa ŵamchimi wanguriliya kwaku Elisha, “Ndamteŵeti wako mrumi wangu wafwa; ndipo uziŵa kuti mteŵeti wako watopa Ambuya, kweni wakumkongoleska waza kuzachito ŵana ŵangu ŵaŵi kwachiŵaŵeta kuŵa ŵaŵanda ŵake.”

Nthanthi 31:6

Paska vyakuloŵereska kwaku yo wakhasa kutayika, ndi vinyo kwaku ŵeniwo ŵemu suzgu yakuŵaŵa;

Mateyu 11:12

Ndipo kutuwa ku mazuŵa ghaku Yohane Mbatizi mpaka ku sono ufumu wakuchanya wakomwa ndi masuzgu, ndipo ŵanthu ŵa viwawa ŵati wupoka ndi nthazi.

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

ŴaHebere 2:10

Chifukwa kunguyiyamu iyo, kwaku mweniyo vye vyose, ndi mwaku mweniyo vye vyose, pakutoliyamu ŵana ŵanandi mu unkhankhu, kufiskiya ndi vikomwa nduna ya utaski wawo.

Ŵeruzgi 11:3

Sono Jefta wanguthaŵa ku ŵana ŵanyake, ndi wajanga mu charu cha Tobo, ndipo ŵanthu ŵa uliuli ŵangujiwungang'a kwaku Jefta ndipo ŵarutanga nayo kwachichita vivwamba.

Ŵeruzgi 18:25

ŴaDani ŵanguti kwaku iyo, ghangavwikanga cha mazu ghako mukati mwidu, vinu wo mbakukaripa ŵangakuyukiya, ndipo ukatayanga umoyo wako ndi maumoyo gha ŵamu nyumba yako.

1 Samuele 1:10

Hana wangusuzgika ukongwa mu mtima wanguromba ku Ambuya, ndipo wangufwifwinthiya kwakuŵaŵa.

1 Samuele 22:3

Davidi wangutuwa wanguya ku Mizpa waku Moabu, ndipo wangunena ndi karonga waku Moabu, “Ndimurombani wazomerezgeni ada ndi ama kuti ŵaje namwe, mpaka po ndaziŵa cho Chiuta wakandichitiyanga.”

1 Samuele 23:13

Sono Davidi ndi ŵanthu ŵake wo wenga akhumba machumi pe chimi ghankhonde ndi limoza (600), ŵangusoka ŵangutuwamo mu Keila, ndipo wanguruta kose ko ŵangukhumba kuruta. Wanguti wavwa Sauli kuti Davidi watuwa mu Keila wangureka kumurondo.

1 Samuele 25:13

Ndipo Davidi wanguti ku ŵanthu ŵake, “Munthu yose wamangiriye lipanga lake!” Ndipo munthu yose waku iwo wangumangiriya lipanga lake, Davidi nayo wangumangiriya lipanga lake, akhumba ŵanthu machumi pe chumi ghanayi (400) ŵangukwera pavuli paku Davidi; penipo ŵanthu machumi pe chumi ghaŵi (200) ŵangu ja ndi ŵakatundu.

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”