1 Samuele 22:18 - Tonga Bible 1986

¹⁸ Karonga wanguti kwaku Doege, “Ng'anamuka ubaye ŵazukuru wo.” Ndipo Doege waku Edomu wangung'anamuka ndi kuwiya pa ŵazukuru, ndipo wangubaya ŵanthu machumi ghankhonde ndi ghatatu pachanya ŵankhonde (85) zuŵa liya, ŵakuvwara efodo wa bafuta.

1 Samuele 22:18 ပူးပေါင်းရင်းမြစ်များ

2 Mikoka 24:21

Kweni ŵangumuchitiya chiŵembo pakuronde langulu la karonga ŵangumudina ndi mya mu khonde mwa nyumba ya Ambuya.

Sumu 78:64

Ŵazukuru ŵangubayika ndi malipanga, ndipo vyoko vyawo kuti vinguŵatenje cha.

Chituwa 28:40

“Ndipo vya ŵana ŵanthurumi ŵaku Aroni mukachitanga makhoti ndi vimangilo ndi makapusi; mukavichitiyanga kuŵa vya ulemu ndi vyakunozga.

Nthanthi 24:15

Ungabisamanga kuŵeramiya cha uli ndi munthu wamphulupulu yo waŵeramiya wakurunjika; ungachitanga nkhaza ku nyumba yake cha,

Hoseya 5:11

Efraimu wasuzgika ndi kupwetekeka mu cheruzgu, chifukwa wanguŵika mtima wake pa vyaŵakaŵaka.

Hoseya 7:3

Ŵakondweska karonga ndi mauheni ghawo, ndi ŵakondweska mafumu ndi uchenjezi wawo.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Zefaniya 3:3

Nduna zake mukati mwake ze nge ndi nkharamu yakukoroma; ŵeruzgi ŵake ndi mphumphi za mazulo zo kuti zisiya kanthu cha mpaka ndi mlenji.

1 Samuele 2:18

Samuele wateŵetanga paurongo pa Ambuya, mhurwa wakuvwala efodo wa bafuta.

1 Samuele 2:28

Ndipo ndingusankha iyo mukati mu mafuku ghose gha ŵaYisraele kuti waŵe mzukuru wangu, kukwere ku jochero langu, kocha vyakununkhira kuvwala efodo paurongo pangu; ndipo ndingupaska ku nyumba ya ausu mipasku yangu yose yapa moto kutuwa ku ŵina Yisraele.

1 Samuele 2:36

Yose yo wasiyika mu nyumba yako wazenge ndi wajikamiyenge iyo pa kupempha kachipitika ka siliva pamwenga burunga la chiŵande, ndipo wanenenge, “Ndipempha undiŵike, mu malo ghamoza gha ŵazukuru, mwakuti ndirghenge livuvu lachiŵande.” ’ ”