1 Samuele 2:30 - Tonga Bible 1986

³⁰ Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.

1 Samuele 2:30 ပူးပေါင်းရင်းမြစ်များ

1 ŴaKaronga 11:11

Chifukwa cho Ambuya anguti kwaku Solomoni, “Pakuti ili laŵa khumbo lako ndipo ulivi kusunga phanganu langu ndi marangu ghangu ghenigho ndakulanguliya, kwakuneneska ndikaparuwanga ufumu wo kwaku iwe ndipo ndikawupaskanga ku muŵanda wako.

1 ŴaKaronga 2:27

Viyo Solomoni wangudikiska Abiatara kuŵa mzukuru wa Ambuya, uku nkhufiska mazu gha Ambuya gho angukamba pa nyumba yaku Eli mu Shilo.

1 Mikoka 17:18

Ndipo nchine so chakuruska cho Davidi wangakamba ndi za ulemu wo wachitikiya mteŵeti winu? Pakuti muziŵa mteŵeti winu.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

2 Mikoka 26:18

Ndipo ŵangumikana nayo karonga Uziya ndi ŵanguti kwaku iyo, “Kuti ndi nchitu yako cha Uziya, koche Ambuya vyakununkhira, kweni ndi nchitu ya ŵazukuru ŵana ŵaku Aroni wo mbakupaturikiya kocha vyakununkhira. Tuwamo mu nyumba yakupaturika; chifukwa wabuda, ndipo ukatumbikikanga cha ndi Ambuya Chiuta.”

Sumu 18:20

Ambuya angundiwerezgiyapo kwakuyana ndi urunji wangu; nge nkhuphotoka kwa manja ghangu angundiwezge mphoto.

Sumu 18:26

ku ŵakutowa mukajirongonga akutowa; ndipo ku muchenjezi mukajirongonga akunyongoroka.

Sumu 50:23

Yo wapinga chisopo cha kuwonga nge ndi sembe yake, wakankhuska ine; kwaku yo wanozga nthowa yake, ndirongonge chipozomosko chaku Chiuta!”

Sumu 73:20

Ambuya, alingana nge ndi loto lo ndi mlenji lithaŵa; uchiyuka uruwa mo maloto ghanguŵiya.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Chituwa 28:43

ndipo ŵakavwaranga Aroni ndi ŵana ŵake ŵanthurumi, ŵachamusere mu hema lakuwunganamo pamwenga ŵachiza kufupi ku jochero la sembe kwachiteŵeta malo ghakupaturika; vinu ŵangajitole ulakwi pa ŵeneko ndi ŵangafwa. Ili likaŵanga dangu lakulembeka lambura kumara paku iyo ndi pa mphapu zake pavuli paku iyo.

Chituwa 29:9

ndipo uzukuru ukaŵanga wawo mwadangu lambura kumara lakulembeka. Viyo ndimo mukaŵamikiyanga Aroni ndi ŵana ŵake ŵanthurumi.

Nthanthi 12:8

Munthu warumbika kwakuyana ndi chinjeru chake chamampha, kweni mweniyo ngwa muwongo wakulandizga wasekeka.

Nthanthi 4:8

Uyizirwiske kuŵa pachanya, ndipo yikakukuzganga; yikakutumbikanga asani utiyivumbatiya.

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Yesaya 29:13

Ambuya anguti: “Chifukwa ŵanthu yaŵa ŵandere pafupi ndi milomo yawo, kunditumbika ndi malilime ghawo, penipo mitima yawo ye kutali ndi ine, ndipo chopu chawo paku ine ndi langulu, la ŵanthu wo ŵakusambira chinkhumbu;

Yeremiya 29:32

chifukwa cho atiti Ambuya: Ehe, ndikalanganga Shemaya waku Nehelamu ndi mphapu yake: kuti wakaŵangapo wamoyo cha mukati mu ŵanthu yaŵa, wakuti wawone chamampha chenicho ine ndikachitiyanga ŵanthu ŵangu, atiti Ambuya, chifukwa warongoro chigaruka pa Ambuya.’ ”

Yeremiya 49:15

Pakuti ehe, ndikamusanduskaninga ŵamana mukati mu mitundu, ŵakutozeka mukati mu ŵanthu.

Ezekiele 34:10

Viyo atiti Ambuya Chiuta, Ehe, ndimikana ndi ŵaliska; mberere zangu ndikazifumbanga pa janja lawo, ndipo ndiŵakanizgenge kuŵa ŵakuliska mberere; iwo nawo ŵaliska kuti ŵakajiliskanga so cha. Ndikataskanga mberere zanguku milomo yawo, mwakuti zireke kuŵa chakurgha chawo.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Malaki 2:3

Ehe, nkhachenyanga mphapu yinu, ndi kupaka ulambwe pa visku vinu, ndipo ndimutuzgeningipo pa maso pangu.

Maŵerengedu 11:20

Kweni mwezi uzirima mpaka po yatuliya mu phunu zinu ndi yamutinkhani, chifukwa mwayeya Ambuya wo ŵe mukati mwinu, ndipo mwaliya pa maso pawo, kuti, “Chifukwa cho tingutuliya mu Egipiti nchine?” ’ ”

Maŵerengedu 35:34

Mureke kukazuzga charu cho mujamo, chenicho ine ndija mukati mwake; pakuti ine Ambuya ndija mukati mu ŵaYisraele.”

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Yohane 5:44

Mungavwana uli imwe, mwaŵakuronderana unkhankhu, ndipo unkhankhu waku tuwa kwaku Chiuta yija kuti mutiwulemba cha?

Yohane 8:49

Yesu wangwamuka, “Kuti nde ndi demone cha, nditumbika Ada, imwe ndimwe muyuyuwa ine.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Ŵeruzgi 9:10

Ndipo miti yinguti ku muti wa mkuyu, ‘Zanga iwe, utiwuse.’