1 Samuele 2:28 - Tonga Bible 1986

²⁸ Ndipo ndingusankha iyo mukati mu mafuku ghose gha ŵaYisraele kuti waŵe mzukuru wangu, kukwere ku jochero langu, kocha vyakununkhira kuvwala efodo paurongo pangu; ndipo ndingupaska ku nyumba ya ausu mipasku yangu yose yapa moto kutuwa ku ŵina Yisraele.

1 Samuele 2:28 ပူးပေါင်းရင်းမြစ်များ

2 Samuele 12:7

Natani wanguti kwaku Davidi, “Munthu yo ndimwe. Viyo atiti Ambuya, Chiuta waku Yisraele, ‘Ndingukupaka karonga pa ŵaYisraele, ndipo ndingukutaska ku janja laku Sauli;

2 Samuele 6:14

Sono Davidi wanguvina paurongo pa Ambuya ndi nthazi yake yose; ndipo wangujichinyiya efodo wa bafuta.

Chituwa 28:1

“Sono umutole kufupi ndi iwe Aroni mwana munyako, ndi ŵana ŵake ŵanthurumi pamoza nayo, kuŵatuzga mukati mu ŵaYisraele, kuŵa ŵazukuru kuti ŵanditatalive; Aroni ndi ŵana ŵanthurumi ŵaku Aroni, Nadaba, Abihu, Eleazara ndi Itamara.

Chituwa 28:4

Maraya gho ŵasonenge ndi yagha: chapachifuŵa, efodo, munjirira, ndi khoto lakupikapika, ndi mwakundu ndi lamba; ŵakasonanga maraya ghakupaturika ghaku Aroni, mwana munyako ndi ŵana ŵake ŵanthurumi kuŵa ŵazukuru ŵakunditataliya.

Chituwa 30:7

Ndipo Aroni wakawochanga sembe ya fungu lamampha paku cho; mlenji ndi mlenji wachilongoso zinyali ndipo wakawochiyanga paurongo pa Ambuya mu migonezi,

Chituwa 30:8

ndipo penipo Aroni wachilongoso ndi mazulo, wakayochanga sembe yakujaliriya paurongo pa Ambuya mu migonezi yinu.

ŴaLevi 2:10

Ndipo mpasku wa ufwa wo wajako ukaŵanga waku Aroni ndi wa ŵana ŵake; ili ndi phande lakupaturika ukongwa la mpasku wapa moto ku Ambuya.

ŴaLevi 2:3

Ndipo chigaŵa cho chikajangako cha mpasku wa ufwa chikaŵanga chaku Aroni ndi ŵana ŵake. Cho nchigaŵa chakupaturika chakuruska cha mipasku yapa moto ku Ambuya.

ŴaLevi 6:16

Ndipo chakujako chose Aroni ndi ŵana ŵake ŵakachirghanga, chikarghikanga chambura mtupu mu malo ghakupaturika; mu bwalo la hema lakuwunganamo.

ŴaLevi 7:32

Ndipo chigha cha ku marghe mukapaskanga ku mzukuru kuŵa mpasku wakutuwa mu vyakupereka vinu vya chimangu;

ŴaLevi 7:36

Ambuya angulangula kuti ŵaYisraele ŵaŵapaske ichi, pa zuŵa lenilo ŵangupakikiya. Nchakuŵenere muyaya, mu migonezi yawo yose.”

Maŵerengedu 16:5

ndipo wangunena ndi Kora ndi mpingu wake wose, kuti, “Lemawa Ambuya akarongonga mweniyo ngwawo, ndi yo ndi mtuŵa, ndipo akamunderezgiyanga mtuŵa kufupi kwaku iwo; inya mweniyo iwo asankha akamunderezgiyanga kufupi kwawo.

Maŵerengedu 18:19

Mipasku yose yakupaturika yo ŵaYisraele ŵapereka ku Ambuya ndapaska iwe, ndi ŵana ŵako ŵanthurumi ndi ŵana ŵako ŵanthukazi pamoza nawe, nge ndi phande la muyaya; ndi phanganu la muche paurongo pa Ambuya kwaku iwe ndi ku mphapu yako.”

1 Samuele 14:3

ndi Ahija mwana waku Ahitubu, mubali waku Ikabodi, mwana waku Finehasi, mwana waku Eli, mzukuru wa Ambuya pa Shilo, wakuvwara efodo. Ŵanthu kuti ŵanguziŵa cha kuti Jonafani waruta.

1 Samuele 2:18

Samuele wateŵetanga paurongo pa Ambuya, mhurwa wakuvwala efodo wa bafuta.