1 Samuele 2:26 - Tonga Bible 1986

²⁶ Mhurwa Samuele wangurutiriya kukuwa mu umampha wakurumbika ndi Ambuya ndipo so ndi ŵanthu.

1 Samuele 2:26 ပူးပေါင်းရင်းမြစ်များ

Chiyambo 39:4

Viyo Yosefe wangusaniya wezi pa maso pake ndi wangumuteŵete, ndipo wangumuŵika kuŵa mura wa nyumba yake, ndipo wangumupaska mtufu pa vinthu vyose vyenivyo wenga navyo.

Nthanthi 3:3

Kujithereska ndi kugomekezgeka vingakutayanga cha uvimangiliye mu khosi lako, uvilembe pa gome la mtima wako.

Nthanthi 3:4

Po ndipo ukasaniyanga mwaŵi ndi mbiri yamampha mu maso ghaku Chiuta ndi munthu.

Luka 1:80

Ndipo ko kana kakuwanga, ndi kadimbanga mu mzimu; ndipo kaŵanga mu mabozwa mpaka zuŵa la chirongoleka chake kwaku Yisraele.

Luka 2:40

Ndipo kana ko kangukuwa, ndi kadimbanga, kakuzazika ndi zeru: ndipo wezi waku Chiuta wenga pake.

Luka 2:52

Ndipo Yesu wakuwanga mu zeru ndi mu msinkhu, ndi mu wezi kwaku Chiuta ndi ŵanthu.

Machitidu gha Ŵakutumika 2:47

ŵakumthamika Chiuta, ndi ŵakuŵa ndi rumbu ku khamu lo lose. Ndipo Ambuya ŵangukuskiyako ku unandi wawo ŵakutaskika zuŵa ndi zuŵa.

ŴaRoma 14:18

Chifukwa yo wateŵete Kristu mwaku vyenivyo, ngwakukondweska Chiuta, ndi ngwakurumbika ndi ŵanthu.

Ŵeruzgi 13:24

Ndipo munthukazi wangupapa mwana munthurumi, wangumudana zina lake Samsoni; mhurwa yo wangukuwa, ndipo Ambuya angumutumbika.

1 Samuele 2:21

Ambuya angukumbuka Hana wanguŵa ndi nthumbo ndipo wangupapa ŵana ŵanthurumi ŵatatu, ŵanthukazi ŵaŵi. Ndipo mhurwa Samuele wakuwanga pa maso gha Ambuya.

1 Samuele 3:19

Ndipo Samuele wangukuwa, Ambuya ŵenga nayo ndipo kuti anguzomerezga cha kuti mazu ghawo ghareke kufiskika.