1 Samuele 2:24 - Tonga Bible 1986

²⁴ Awa, mwa ŵana ŵangu; kuti njamampha cha mbiri yo ndituvwa yo ŵanthu ŵa Ambuya ŵawandiska kose.

1 Samuele 2:24 ပူးပေါင်းရင်းမြစ်များ

1 ŴaKaronga 15:26

Wanguchita uheni mu maso gha Ambuya, ndipo wangwenda mu nthowa ya awiske ndi mu mphurupuru yake yeniyo wanguchitiska ŵaYisraele kulakwa.

1 ŴaKaronga 15:30

chenga chifukwa cha mphurupuru zaku Yeroboamu zo wangulakwa ndi zenizo wanguchitiska ŵaYisraele kulakwa, ndi chifukwa cha ukari wake wo wangusosomole nawo Ambuya, Chiuta waku Yisraele.

2 ŴaKaronga 10:31

Kweni Yehu kuti wanguphwere kwenda mu dangu la Ambuya Chiuta waku Yisraele ndi mtima wake wose cha; kuti wangutuwako cha ku maulakwi ghaku Yeroboamu gho wangulakwiska nagho Yisraele.

Chituwa 32:21

Ndipo Mosese wanguti kwaku Aroni, “Nchine cho ŵachita kwako yaŵa ŵanthu, kuti watole uheni ukuru paku iwo?”

Malaki 2:8

“Kweni imwe mwatuwamo mu nthowa; mwalandizga ŵanandi ndi chisambizgu chinu, mwananga phanganu laku Levi, atiti Ambuya ŵa maŵanja,

Mateyu 18:7

“Owe ku charu pa chifwa cha vyakuguŵiska! Chifukwa vikazangadi viguŵisku; kweni owe ku munthu yo mwaku mweniyo chiguŵisku cho chituziya!

Machitidu gha Ŵakutumika 6:3

Viyo, mwa ŵabali, mwaku imwe penjanimo ŵanthurumi ŵankhonde ndi ŵaŵi, ŵakusimikizgika, ŵakuzazika Mzimu ndi zeru, ŵeniwo tingamikiya pa mlimu uwu;

2 ŴaKorinte 6:8

mumarumbu ndimu muyuyu, mu thenthe liheni ndi thende limampha. Tichitika nge mbarandizgi, kweni te ŵaneneska;

1 Timote 3:7

Ndipo so watenere kuŵa ndi mbiri yeneko kwaku wo mbakubwaro; vinu wangawiya mu kawereri ndi chikhwiriki cha diabolo.

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;

3 Yohane 1:12

Kwaku Demetrio kwasimikizgikiya ndi wose, ndipo so ndi uneneska nawo: ndipo nafwe timsimikizgiya; ndipo uziŵa kuti chisimisimi chidu nchakuneneska.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.

1 Samuele 2:17

Chifukwa ichi uheni wa ŵanyamata yaŵa wenga ukuru mu maso gha Ambuya, pakuti ŵangupereka sembe ya Ambuya munthowa yambura kwenere.

1 Samuele 2:22

Kweni Eli wenga mura ukongwa, ndipo wanguwona vyose vyo ŵana ŵake ŵachitiyanga ŵaYisraele ndi mwenimo ŵachitiyanga maureŵi ndi ŵanthukazi wo ŵatakatakanga pa chipata cha hema lakuwunganamo.

1 Samuele 2:23

Ndipo wanguŵafumba, “Muchitiyanji vinthu vya viyo? Pakuti ndituvwa ku ŵanthu wose vya machitidu ghinu ghaheni.