1 Samuele 19:5 - Tonga Bible 1986

⁵ Pakuti wanguŵika umoyo wake mu chikufi chake; ndipo wangubaya muFilisti, ndipo Ambuya anguchita utaski ukuru paku Yisraele yose. Munguwona, mungukondwere, na chifukwa nchine mulakwenge kumikana ndi ndopa zambura kafukwa, pakubaya Davidi wambura kafukwa?”

1 Samuele 19:5 ပူးပေါင်းရင်းမြစ်များ

2 Samuele 23:10

Wangusoka wangukosore pasi ŵaFilisti mpaka po janja lake linguvuka, ndi kukaniliya ku lipanga, ndipo Ambuya anguchita upundi ukuru zuŵa liya, ŵanthu wanguwere vuli kwachizuwa vya ŵakufwa wati wamara iyo.

1 Mikoka 11:14

Kweni iyo wanguma nganganga mukati mu munda, ndi wanguwutaska, wangubaya ŵaFilisti, Ambuya anguŵataska ndi utaski ukuru.

1 Mikoka 11:18

Sono vinkhara vitatu vinguporota mukati mu ugoŵi wa ŵaFilisti, ndi kwachinegha maji mu chisima cha ku Betelehemu cho chenga pafupi ndi likomo, ndipo ŵanguza nagho kwaku Davidi. Kweni Davidi wangukana kumwa; wangughapunguliya ku Ambuya,

Sumu 109:5

Ŵatindiripa uheni pakuŵachitiya umampha ndi kutinkha po ine ndituŵanja.

Sumu 119:109

Umoyo wangu wemu janja langu zuŵa ndi zuŵa; kweni dangu linu kuti ndiruwa cha.

Sumu 25:3

Inya, wose ŵakulindizga imwe kuti ŵalengeskekenge nanga njumoza cha; ŵachita soni wo ŵachita viŵembu kwambura chifukwa.

Sumu 69:4

Wo ŵatinditinkha waka kwambura chifukwa mbanandi ukongwa kwakuruska sisi laku mutu wangu mbanthazi ukongwa wo ŵakhumba kundiparghang'a, wo ŵakamba kwautesi paku vyo ŵaŵiya ŵarwani ŵangu. Wandichitiska kuti ndiwezge vinthu vyo kuti ndinguba cha.

Sumu 94:21

Wo ŵapangana kumikana ndi ŵanthu ŵarunji, kweruzgiya ŵambura kunanga ku kubayika.

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Yeremiya 26:15

Kweni ziŵani kwakuneneska kuti asani mundibayenge, mukajitoliyanga ndopa zambura kalema paku mwaŵeni ndi pa msumba uwu ndi ŵakujamo ŵake, pakuti kwakuneneska Ambuya angundituma kwaku imwe kuzachirongoro mazu yagha mu makutu ghinu.”

Mateyu 27:24

Ndipo Pilato, pakuwona kuti wengavi kovya kanthu, kweni ukongwa kuti chichitika chiwawa, wanguto maji, wangusamba mu manja paurongo pa mzinda wo, wakuti, “Nde wambura kalema ku ndopa za murunji uyu: kweniko mwaŵeni!”

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

Yohane 15:25

Kweni nchakuti ghafiskike mazu gho ghalembeka mu langulu lawo, ‘Wangunditinkha waka.’

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

ŴaFilipi 2:30

pakuti chifukwa chamlimu waku Kristu wenga pafupi kufwa, kutaya umoyo wake mwakuti wafiske nchitu yo imwe mwengavi kufiska kwaku ine.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

Ŵeruzgi 12:3

Po ndinguwona kuti mungukana kundipozomoska, ndingujitole umoyo wangu mu janja langu ndingwambukiya kusirgha kwachimikana ndi Amoni; ndipo Ambuya anguwapereka mu janja langu, na cho mwaziya kwaku ine msana wale nchine kuzachirwana nane?”

Ŵeruzgi 9:17

Chifukwa ada ŵangukurwiyani, ndi ŵangupereka umoyo wawo ndipo wangumpozomoskani ku janja laku Midiyani;

1 Samuele 11:13

Kweni Sauli wanguti, “Palivi munthu yo wangabayika msana wale, chifukwa ndi zuŵa lo Ambuya ataskiya Yisraele.”

1 Samuele 14:45

Viyo ŵanthu wangunena ndi Sauli, “Kumbi wakafwanga nadi Jonafani, yo wachita nchitu yikuru iyi ya upundi mu Yisraele? Wangafwa cha! Mo aliri Ambuya amoyo kuti liwengepo pasi cha nanga ndi sisi limoza lakumutu wake; chifukwa wachitiya pamoza ndi Chiuta msana wale.” Viyo ŵanthu ŵanguwombo Jonafani, kuti wangufwa cha.

1 Samuele 19:6

Viyo Sauli wanguvwiya mazu ghaku Jonafani; ndipo Sauli wangurapa, “Ndarapa Ambuya amoyo, kuti wakabayikanga cha.”

1 Samuele 20:32

Jonafani wanguŵamuka awiske, “Wakafwiyanganji? Wachitanji?”

1 Samuele 22:14

Sono Ahimeleke wangwamuka karonga, “Ndiyani mukati mu ŵateŵeti ŵinu wose yo ngwamagomekezgeka nge ndi Davidi yo ndi mkosanu wa karonga, nduna ya liŵanja lo lisunga imwe, ndipo waulemu mu nyumba yinu?

1 Samuele 28:21

Ndipo munthukazi wanguza kwaku Sauli, po wanguwona kuti wakoreka ukongwa ndi mantha, wangunena nayo, “Awona, ndamteŵeti munthukazi wako ndakuvwiya; ndipo ndaŵika umoyo wangu mu janja langu, ndipo ndavwiya cho warongoro nane.