1 Samuele 18:8 - Tonga Bible 1986

⁸ Ndipo Sauli wangukwiya ukongwa, chifukwa kakambidu yaka kuti kangumukondweska cha; watinge, “Ŵapaska kwaku Davidi vikwi vya machumi, kwangu ŵapaska vikwi; na sono kajako so nkhane kanyake ko wapere kweni ufumu pe?”

1 Samuele 18:8 ပူးပေါင်းရင်းမြစ်များ

Chiyambo 37:11

Ndipo ŵana ŵanyake ŵanguchita nayo sanji, kweni awiske ŵangusunga mu mutu cho wangukamba.

Chiyambo 37:8

Ŵana ŵanyake ŵanguti kwaku iyo, “Kumbi mbuneneska kuti ukatiusanga iwe? Pamwenga mbuneneska kuti ukatitufuliyanga iwe?” Chifukwa cho ŵangurutizga so ukongwa kumutinkha chifukwa cha maloto ghake ndi mazu ghake.

1 ŴaKaronga 2:22

Karonga Solomoni wangwamuka anyina, “Chifukwa chine mupempha Abishagi muShunami kupemphe Adoniya? Mupemphiyeni so ndi ufumu; chifukwa ndi mukuwangu, ndipo kuchiri kwake kwe Abiatara mzukuru ndi Yoabu mwana waku Zeruya.”

Estere 3:5

Hamani wanguti wawona kuti Mordikayi wareka kukotama ndi kumlambiya wanguzazika ndi ukari.

Nthanthi 13:10

Ndi mutafu wambura kuphwere wachita ndeu, kweni ŵeniwo wazomera kuŵapanga fundu ndi zeru.

Nthanthi 27:4

Chikwiya mbukari, ukari uphwanya, kweni njani wangamiya sanje?

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Maŵerengedu 11:1

Ndipo Ambuya anguvwa po ŵanthu ŵadinginikanga gha soka lawo; ndipo pakuvwa, ukari wawo ungukole, moto wa Ambuya ungunyeka mu ugoŵi wawo, kupirizga wo ŵenga mu mphepete mwa ugoŵi.

Maŵerengedu 22:34

Ndipo Balamu wangunena ndi mungelo wa Ambuya, “Ndalakwa, pakuti ndengavi kuziŵa kuti imwe munguma mu nthowa kumikana nane. Viyo sono, asani mbukazuzi mu maso ghinu, ndiweriyenge kuvuli.”

Yakobe 4:5

Pamwenga kumbi murunguruka kuti lembo lo likamba waka, “Wanweke kwasanji mzimu wo wajariska mwidu?”

1 Samuele 13:14

Kweni ufumu wako kuti urutiliyenge cha; Ambuya asankha munthu wapa mtima wawo; ndipo amumika kuŵa murongozgi wa wanthu ŵake, chifukwa iwe kuti wasunga cho Ambuya angukulanguliya cha.”

1 Samuele 15:28

Samuele wanguti kwaku iyo, “Ambuya aparuwa ufumu waku Yisraele kutuwa kwako msana wale, ndipo awupereka ku mwanasi wako, yo ngwamampha kuruska iwe.

1 Samuele 16:13

Samuele wanguto supa ya mafuta, wangumupaka kumupatuwa mukati mu ŵabali ŵake; ndipo mzimu wa Ambuya unguza ndi nthazi paku Davidi kutuliya pa zuŵa liya mpaka ku urongo. Samuele wangusoka, ndi kuruta ku Rama.

1 Samuele 18:9

Kutuwa zuŵa liya Sauli wamunkhazganga Davidi.

1 Samuele 19:1

Sauli wangukamba ndi mwana wake Jonafani ndi ŵateŵeti ŵake wose, kuti wabayi Davidi kweni Jonafani, mwana waku Sauli wangukondwere ukongwa mwaku Davidi.

1 Samuele 20:31

Pakuti nyengo yose yo mwana waku Jese wakajariyanga ndi umoyo pa charu chapasi, paulengevi chingana ndiwe nanga ndi ufumu wako kuti ukakhozgekanga cha. Chifukwa ichi tuma ŵanthu wapenjeke ndipo ŵazi nayo kuno kwangu, pakuti nadi wakafwanga.”