1 Samuele 18:10 - Tonga Bible 1986

¹⁰ Kunguti kwacha ndi mlenji mzimu uheni ungumufikiya Sauli kutuliya kwaku Chiuta, ndipo wabwebwetanga mu nyumba yake, po Davidi wambanga kaligu; nge ndimo wachitiyanga mazuŵa ghanyake; Sauli wenga ndi mkondo mu janja lake.

1 Samuele 18:10 ပူးပေါင်းရင်းမြစ်များ

1 ŴaKaronga 18:29

Unguti waruta msana pakati, ŵangurutiliya kujikweŵeska mpaka nyengo yakupereke visopo, kweni kwengavi limazu; pengavi yumoza wangwamuka, pengavi yo wanguphwereko.

1 ŴaKaronga 22:12

Ndipo ŵamuchimi wose ŵanguchima kwakukozgana, ŵanguti, “Kweriyani ku Ramoti-gileada mwamupunda, Ambuya akuwupereka mu janja la karonga.”

Yeremiya 28:11

Ndipo Hananiya wangurongoro paurongo pa ŵanthu wose, wanguti, “Viyo atiti Ambuya: Viyo ndimu ndikafyoliyanga gori laku Nebukadanezara karonga wa Babiloni ku khosi la mitundu yose pa virimika viŵi.” Sono mchimi Yeremiya wangutuwapo wanguruta.

Machitidu gha Ŵakutumika 16:16

Ndipo kunguŵa, tichiruta ifwe ku malo ghakurombe, kuti msungwana yumoza, wakuŵa ndi mzimu wa kuwukwa, wangukumana nafwe, mweniyo watoliyanga ambuyake chanduwu chinandi wachiloska.

2 ŴaTesalonika 2:11

Ndipo chifukwa chenichi Chiuta waŵatumiya kachitidu ka urandizgi, alinga kuti ŵavwaniye iwo mu utesi:

Ŵeruzgi 16:20

Delila wanguti, “ŴaFilisti ŵatukuko Samsoni.” Ndipo iyo wanguyuka mu tulo twake, wanguti, “Ndikatuwanga uli mpha nyengo zinyake, kwachijisukuniska,” kweni wakuwura kuziŵa kuti Ambuya amusiya yija.

1 Samuele 16:23

Ndipo po pose mzimu uheni wakutuliya kwaku Chiuta ungumufikiya Sauli, Davidi wanguto kaligu wangumba; viyo Sauli wangusisipuskika, wanguŵa umampha, mzimu uheni ungutuwamo mwake.

1 Samuele 18:9

Kutuwa zuŵa liya Sauli wamunkhazganga Davidi.

1 Samuele 19:10

Sauli wangukhumba kumukandirizgiya Davidi ku chimati ndi mkondo; kweni wangumuŵerama Sauli mwakuti wangugwaza mkondo pa chimati. Ndipo Davidi wangupozomoka, wanguthaŵa.

1 Samuele 19:7

Sono Jonafani wangudana Davidi, wangumurongo vinthu vyose ivi. Ndipo Jonafani wangumutore Davidi kwaku Sauli, ndipo wajanga pa maso pake nge ndi kali.

1 Samuele 19:9

Sono mzimu uheni wakutuliya ku Ambuya ungumuwiya so Sauli, po wanguja mu nyumba yake ndi mkondo mu janja lake; ndipo Davidi wambanga kalingu.

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’