1 Samuele 18:1 - Tonga Bible 1986

¹ Wanguti wamara kurongoro ndi Sauli mtima waku Jonafani ungubatikana ndi mtima waku Davidi, ndipo Jonafani wangumwanja Davidi nge mbumoyo waku iyo mweneko.

1 Samuele 18:1 ပူးပေါင်းရင်းမြစ်များ

Chiyambo 44:30

Viyo penipo tamufika ku mteŵeti winu uskefwe ndipo mhurwa kuti we nafwe pamoza cha, ndipo pakuti umoyo wake wukuŵika pa mhurwa uyu,

2 Samuele 1:26

“Ndalasika mtima chifukwa chako, mbali Jonafani; waŵa wakundikondweska ukongwa; kwanja kwako kungundiziziswa, kunguruska kwanja kwa ŵanthukazi.

1 Mikoka 12:17

Davidi wanguruta kukumana nawo, ndipo wanguti kwaku wo, “Asani mwaza mu chimangu kundovya, mtima wangu ubatikanenge namwe, kweni asani mwaziya kundipereka ku ŵarwani ŵangu, chingana mulivi kaheni mu manja ghangu Chiuta wa ŵambuyafwe wawone ndi kumususkani.”

Sumu 86:11

Ndisambizgeni, Ambuya, cho mutindikhumbiya kuchita, ndipo ndikavwiyanga imwe mu ukongorekwa; ndisambizgeni kumutataliyani mu kujipereka kwakufikapo.

Nthanthi 18:24

Ghalipo mabwezi ŵeniwo ŵachitauli ndi mabwezi kweni pe bwezi lo libatikana pafupi kwakuruska mwana munyake.

Marangu 13:6

“Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,

ŴaKolose 2:2

alinga kuti yikhwimiskike mitima yawo, pakumangana pamoza mu chanju, ndi mu usambasi wose wakuzala wa mziŵiru, kuti ŵaziŵe mangari ghaku Chiuta, ghaku Kristu,

Ŵeruzgi 20:11

Viyo ŵaYisraele ŵanguwungana kwachimikana ndi msumba uwa, ŵakulungana pamoza nge ndi munthu yumoza.

1 Samuele 14:45

Viyo ŵanthu wangunena ndi Sauli, “Kumbi wakafwanga nadi Jonafani, yo wachita nchitu yikuru iyi ya upundi mu Yisraele? Wangafwa cha! Mo aliri Ambuya amoyo kuti liwengepo pasi cha nanga ndi sisi limoza lakumutu wake; chifukwa wachitiya pamoza ndi Chiuta msana wale.” Viyo ŵanthu ŵanguwombo Jonafani, kuti wangufwa cha.

1 Samuele 18:3

Ndipo Jonafani wangupangana phanganu ndi Davidi, chifukwa wangumwanja nge mbumoyo wa mweneko.

1 Samuele 19:1

Sauli wangukamba ndi mwana wake Jonafani ndi ŵateŵeti ŵake wose, kuti wabayi Davidi kweni Jonafani, mwana waku Sauli wangukondwere ukongwa mwaku Davidi.

1 Samuele 19:2

Jonafani wanguti kwaku Davidi, “Ada a Sauli ŵapenja kukubaya; viyo la mawa ujichenjere, uje mu malo ghakubisika ndipo ujibise;

1 Samuele 20:17

Ndipo Jonafani wanguwerezgapo kurapiska Davidi pa chifukwa cha chanju cha paku iyo; pakuti wangumwanja nge ndimo wangwanjiya umoyo wake.

1 Samuele 20:8

Pa chifukwa ichi ndi chitiye lisungu ndamteŵeti wako, pakuti wanditore ndamteŵeti wako kuŵa nawe mu phanganu lakupaturika. Kweni asani kwananga kulimo mwangu, undibaye ndiwe; chifukwa na unditoriyengenji kwausu.”

1 Samuele 22:8

kuti mose imwe mupangana chiŵembu paku ine? Palivi yumoza wakundivumbuliya mo mwana wangu wapanganirana phanganu ndi mwana waku Jese, palivi yumoza waku imwe wakundichitiya chitima kuti wandivumbuliye kuti mwana wangu wavunduwa mtima wa mteŵeti wangu kumikana nane kundikhazga, nge mpha zuŵa lino.”

1 Samuele 23:18

Ndipo wo ŵaŵi ŵangukhozga phanganu lawo paurongo pa Ambuya; Davidi wanguja pa Horesi, Jonafani wanguwere kwake.