1 Samuele 17:51 - Tonga Bible 1986

⁵¹ Davidi wanguchimbiya wanguma pachanya pa muFilisti wangusoro lipanga mu chibazi chake, wangumubaya kudumuwa nalo mutu wake. Po ŵaFilisti ŵanguti ŵawona kuti ngwazi yawo yafwa ŵanguthaŵa.

1 Samuele 17:51 ပူးပေါင်းရင်းမြစ်များ

2 Samuele 23:21

Ndipo wangubaya muEgipiti, munthu wakuma kwakunozga. MuEgipiti wenga ndi mkondo mu janja lake; kweni Benaya wangumuziya ndi nthonga wangukwamphuwa mkondo mu janja la muEgipiti, ndi kumugwaza nawo mweneko.

2 Samuele 4:7

Ŵanguti ŵasere mu nyumba, iyo wagona pachita chake mu chipinda chakugona, ŵangumupuma, ndi ŵangumubaya, ndipo ŵangumudumuwa mutu, ŵanguti ŵato mutu wake, ŵangwenda usiku wose nthowa yaku Araba.

Estere 7:10

Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

ŴaHebere 11:34

ŵanguzimwa nthazi ya moto, ŵangupozomoka ku uyi wa lipanga ŵanguthaziskika mu unthomboru, ŵanguŵa ŵakukhwima mu nkhondo, ŵanguthereska maŵanja gha ŵalendo.

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

1 Samuele 17:50

Viyo Davidi wangupunda muFilisti ndi chakupong'e ndi mwa ndipo wangumubaya, mwengavi lipanga mu janja lake.

1 Samuele 21:10

Davidi wangusoka wanguthaŵa Sauli zuŵa liya, wanguya kwaku Akishi karonga waku Gata.

1 Samuele 21:9

Mzukuru wanguti, “Lipanga laku Goliati muFilisti yuwa ukubaya mudambo la Ela, lepano, likukurungika mu saru kurweka kwa Efodo; asani ulitonge, lito, pakuti linyake palive kweni ndenilo pe.” Davidi wanguti, “Lakuyana ndi lo palivi; ndipaske.”

1 Samuele 31:9

Ŵangudumuwa mutu wake, ndi kufwatuwa vidya vyake, wangutuma mathenga mu charu chose cha ŵaFilisti, ku taula makani ghamampha ku ŵangoza ŵawo ndi ku ŵanthu,