1 Samuele 17:43 - Tonga Bible 1986

⁴³ MuFilisti uyu wanguti kwaku Davidi, “Kumbi ndi garu ine, kuti utindiziya ndi zinthonga?” Goliati wangutemba Davidi ndi ŵachiuta ŵake.

1 Samuele 17:43 ပူးပေါင်းရင်းမြစ်များ

Chiyambo 27:29

Mitundu ya ŵanthu yikutataliye, ndi mutundu yilambiye iwe. Uŵe wakutufuliya ŵana ŵanyako ndipo ŵana ŵanyako ŵalambiye iwe. Watembeke we yose yo watikutemba, ndi watumbikike we yose yo watikutumbika.”

2 Samuele 16:5

Penipo karonga Davidi wanguti wafika ku Behulimi, kungumuziya munthu wamu mbumba ya nyumba yaku Sauli, yo zina lake lenga Shimei, mwana waku Gera; ndipo wachiza wendanga uku watuka.

2 Samuele 16:9

Ndipo Abishai mwana waku Zeruya wangunena ndi karonga, “Chifukwa nchine garu wakufwa uyu watuka mbuyangu karonga? Ndizomerezgeni ndirute nkhadumuwe mutu wake.”

2 Samuele 3:8

Ndipo Abnere wangukwiya ukongwa pa mazu ghaku Ishiboshete, wanguti, “Kumbi ine nde mutu wa garu waku Yuda? Zuŵa linu ndironga lisungu ku nyumba ya ausu a Sauli, ku ŵabali ŵake, ndi ku ŵabwezi ŵake, ndipo kuti ndapereka iwe mu janja laku Davidi cha; kweni ndipo iwe utindipaska mrando msana wale pa munthukazi uyu.

2 Samuele 9:8

Ndipo iyo wangumulambiya, wanguti, “Nkhanthu uli ndamuŵanda winu, kuti mulereske pa garu wakufwa nge ndine?”

1 ŴaKaronga 20:10

Benehadadi wangutuma so mazu kwaku iyo wanguti, “Wachiuta ŵandichitiye ichi, ndi kusazgiyapo so, asani fuvu laku Samaria likakwananga kuzaza manja gha ŵanthu wose wo ŵatindirondo.”

2 ŴaKaronga 8:13

Ndipo Hazaeli wanguti, “Njani nayo mteŵeti winu, garu yawaka, wakuti wangachita chinthu chikuru ichi?” Elisha wangwamuka, “Ambuya andilongo kuti iwe ukaŵanga wa ŵaSiriya.”

Nthanthi 26:2

Uli ndi kaŵeruŵeru mu mwenera wake, uli ndi kaŵeruŵeru mukuphuluruka kwake, thembo lo ndambula kafukwa kuti likonda cha.

Maŵerengedu 22:6

Zanga uzinditembe ŵanthu yaŵa, pakuti kwangu mbanthazi ukongwa; vinu ndingaŵathereska ndi kuŵadikiska mu charu, chifukwa ndiziŵa kuti yo iwe utumbika watumbikika, ndipo yo iwe utemba watembeka.”

Ŵeruzgi 9:27

Mwakuti, ŵanguwunjika vipasi kutuwa mu minda yawo ya mphereska ndipo ŵangupinga, ndi ŵanguchita dghera, ŵangusere mu nyumba yaku chiuta wawo, ndipo ŵangurgha ndi kumwa ndi kumutuka Abimeleke.

1 Samuele 14:12

Ndipo ŵanthu ŵamu linga pa kwamuka Jonafani ndi munyamata wakupinga vidya, ŵanguti, “Kweriyani kuno, ndipo timurongoninga kanthu.” Jonafani wangunene wakupinga vidya, “Zanga kuvuli kwangu; pakuti Ambuya aŵapereka mu janja la ŵaYisraele.”

1 Samuele 24:14

Karonga wa ŵaYisraele watuliya chifukwa chaku yani? Murondo yani? Garu wakufwa kumbi! Murondo kabanthi kawaka!

1 Samuele 24:15

Ambuya ndiwo aŵe ŵeruzgi, apaske cheruzgu pakati paku ine ndi imwe, awone, andikambiye mlando wangu, anditaske mu janja linu.”