1 Samuele 17:36 - Tonga Bible 1986

³⁶ Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 17:36 ပူးပေါင်းရင်းမြစ်များ

2 Mikoka 32:17

Ndipo wangulemba ŵakarata ŵakuyuyuwa Mbuya Chiuta waku Yisraele ndi kumsuska, kuti, “Nge ndimo ŵachiuta ŵamitundu ŵa vyaru vinyake ŵatondeke nthazi kutaska ŵanthu ku janja langu, ndimo so Chiuta waku Hezekiya warekenge kuziŵiya kutaska ŵanthu ŵake ku janja langu.”

Yesaya 10:15

Kumbi mbavi yingajikuzga paku yo watiyitema? Pamwenga chakucheke ku jikuzga paku yo watichicheke? Nge ndodo yingasukung'iya yo watiyisoska, pamwenga uli nge ndimo nthonga yingasoske yo kuti ndi muti cha!

Yesaya 36:15

Hezekiya wangamuchitiskaninga kuyegeme pa Ambuya cha ndi mazu ghakuti, “Kwakuneneska Ambuya akatitaskanga, muzi uwu kuti ukapaskikanga mu manja gha karonga wa Asiriya cha.”

Yesaya 36:18

Chenjeni vinu Hezekiya wangakusovyani ndi kukamba kuti, “Ambuya akatitaskanga.” Kumbi wakuwapo chiuta wa mitundu yo wakutaskapo charu chake ku janja la karonga wa Asiriya?

Ezekiele 28:10

Ukafwanga nyifwa ya ŵambura kuchinjika ndi janja la ŵalendo, pakuti ndarongoro, atiti Ambuya Chiuta.”

Ezekiele 32:19

‘Kumbi iwe uruska yani kutowa? Rutanga pasi, ujigoneke pamoza ndi ŵambura kuchinjika.’

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Zekariya 12:3

Mu zuŵa lo ndichitenge Yerusalemu kuŵa mwa uzitu ku ŵanthu wose; wo ŵaunyamuwenge ŵakajitekenyuwanga; ndipo mitundu yose ya charu chapasi yiwunganenge kumikana ndi Yerusalemu.

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

1 Samuele 17:10

MuFilisti uyu wanguti, “Ndaŵaderera ŵamazaza ŵaku Yisraele, zuŵa linu ndipaskeni munthu kuti tipumane.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:35

ndingumurondo ndi kumupuma, ndi kuyipozomoska mu mlomo wake; ndipo po wangundiyukiya kulimbana nane ndingumuko mwembe kumupuma ndi kubaya.

1 Samuele 17:37

Davidi wanguti, “Ambuya wo angunditaska mu chikufi cha nkharamu ndimu chikufi chaku chipembere, akandipozomoskanga mu janja la muFilisti uyu.” Sauli wanguti kwaku Davidi, “Ruta, Ambuya aŵe nawe!”

1 Samuele 18:17

Sauli wanguti kwaku Davidi, “Pano pe mwana wangu munthukazi mura, Merabi; ndikupaskenge kuti waŵe muwoli wako; utenere kundiŵiya wanthazi; rwanga nkhondo za Ambuya.” Sauli wangughanaghana kuti, “Janja langu kuti liŵe paku iyo cha; kweni janja la ŵaFilisti ndilo liŵe pake.”

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.