1 Samuele 17:35 - Tonga Bible 1986

³⁵ ndingumurondo ndi kumupuma, ndi kuyipozomoska mu mlomo wake; ndipo po wangundiyukiya kulimbana nane ndingumuko mwembe kumupuma ndi kubaya.

1 Samuele 17:35 ပူးပေါင်းရင်းမြစ်များ

2 Samuele 23:20

Ndipo Benaya mwana waku Yehoyada wenga chinkhara waku Kabzeli wakuchita nchitu zikhuru; wangubaya ŵanthu ŵaŵi ŵakukozgana ndi nkharamu ŵaku Moabu, wangusikiya so kwachibaya nkharamu mu zenje pa zuŵa lo wanguwiya nyankhuŵinda.

Sumu 91:13

Ukandenge pa nkharamu ndinkhomi, nkharamu zakofya ndi njoka zikari.

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Amosi 3:12

Viyo atiti Ambuya: “Nge ndimliska wapokeska vigha viŵi, pamwenga chipikita cha gutu kutuwa mu mlomo wa nkharamu, viyo ndimo ŵaYisraele wo ŵaja mu Samaria ŵamufwanthamukiya, ndi nyondo ya kachita ndi chita chikuru.”

1 Samuele 17:34

Kweni Davidi wanguti kwaku Sauli, “Ndamteŵeti winu ndaliskanga mberere za Ada; ndipo po kunguza nkharamu, pamwenga chipembere kuto mberere mu mskambu,

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”