1 Samuele 17:24 - Tonga Bible 1986

²⁴ ŴaYisraele wose, pakumuwona, ŵangumuthaŵa, ndipo, ŵenga ndi mantha ghakuru.

1 Samuele 17:24 ပူးပေါင်းရင်းမြစ်များ

Yesaya 30:17

Chikwi cha ŵanthu chikathaŵanga pa kofya kwa yumoza, pa ŵakofya ŵankhonde mukathaŵanga, mpaka po mwambininika uli ndi mulongoti wa mbendera pachanya pa phiri, uli ndi mbendera pa kamtunthu.

Yesaya 7:2

Penipo ŵanguyinene nyumba yaku Davidi kuti, “Siriya wazomerezgana ndi Efraimu,” mtima wake ndi mtima wa ŵanthu ŵake ungusukunika uli ndimo miti yamu lisuwa yisukunikiya paurongo pa mphepo.

ŴaLevi 26:36

Ndipo ndikatumanga kulakatuka mu mitima yaku wo ŵaku imwe, wo ŵakasiyikangamo po ŵe mu vyaru vya ŵamawongo ŵawo; ŵakathaŵanga pakuvwa muswayo wa jani lakuputa, ŵakathaŵanga ulaka ndi yo wathaŵa lipanga, ndipo ŵakawanga pasi penipo palivi wakuŵandondoloska.

Maŵerengedu 13:33

Ndipo kweni kuwati nguwonako vinkhara (ŵina Anaka, wo ndi ŵana ŵa ŵaNedilimu); ndipo ifwe tingujiwona ulaka nge mbaphanana, ndipo ndimu tinguŵiya mu maso ghawo.”

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

1 Samuele 17:11

Sauli ndi ŵaYisraele wose ŵanguti ŵavwa mazu gha muFilisti yo, ŵangudika nthazi ndipo ŵenga ŵamantha ukongwa.

1 Samuele 17:23

Po wenga weche kurongoro nawo, ehe ngwazi mu Filisti waku Gata, zina Goliati, wangukwera kutuliya mu nkhondo ya ŵaFilisti, ndipo wakambanga mazu ghakuderera nge mphakudanga. Davidi wangumuvwa.

1 Samuele 17:25

ŴaYisraele ŵanguti, “Mwamuwona munthu uyu yo watikwere? Ndithu waziya kwazinyoaza Yisraele; ndipo munthu yo wangabaya karonga wamusambasiskenge ndi usambasi unandi, ndipo wampaskenge mwana wake munthukazi, nyumba ya awiske nayo yisanduskikenge kuŵa yanangwa mu Yisraele.”