1 Samuele 17:20 - Tonga Bible 1986

²⁰ Davidi wangusoka ndi mlenji-lenji, mberere wanguzisiliya ŵakusunga, wangupinga vyakurgha, wanguruta, nge ndimo Jese wangumulanguliya; ndipo wangufika ku ugoŵi, wangusaniya nkhondo yiruta ku kurwana, uku ŵakambura gha kurwa.

1 Samuele 17:20 ပူးပေါင်းရင်းမြစ်များ

Luka 19:43

Pakuti ghafikiyenge pako mazuŵa penipo ŵamawongo ŵako ŵakunjirinjiskiyenge nthembwe, ndi ŵakuzingirizgenge, ndi ŵakuvimbizgenge kosekose,

Yoswa 3:1

Ndi mlenjilenji Yoswa wangusoka ku Shitimu, pamoza ndi ŵaYisraele wose ŵangufika ku Yordane, ndipo ŵangugona penipa, ŵenga ŵandambuke.

1 Samuele 15:12

Samuele wangusoka ndi mlenji-lenji kwachikumana ndi Sauli; wanguziŵiskika kuti, “Sauli wanguza ku Karmele, awonani, wakujimikiya chikumbusku, wakuzunguliya, ndi kurutiliya kusikiya ku Gilgala.”

1 Samuele 17:19

Sauli ndi iwo, ndi ŵaYisraele wose, ŵenga mu dambo la Ela, kurwana ndi ŵaFilisti.

1 Samuele 17:21

Ndipo ŵaYisraele ndi ŵaFilisti ŵangumika maŵanja ghawo, liŵanja kulereskana ndi liŵanja.

1 Samuele 17:28

Eliabu mkuwake mura wanguvwa wachikamba ndi ŵanthu; ndipo wangukwiya ndi Davidi, wanguti, “Chifukwa nchine wasikiya kunu? Ndipo mberere zimanavi ziya wasiliya yani mu bozwa? Ndiziŵa kujikuzga, ndi uheni wa mtima wako; pakuti wasikiya kunu kwaziwona nkhondo.”

1 Samuele 26:5

Sono Davidi wangusoka wanguza ku malo ko kungugoŵa Sauli, Davidi wangughawona malo po Sauli wangugona, pamoza ndi Abnere mwana waku Nere, nduna ya nkhondo yake; Sauli wangugona pakati pa ŵankhondo, maŵanja ghangugoŵa kwakumuzunguliya.

1 Samuele 26:7

Viyo Davidi ndi Abishai wanguruta ku nkhondo ndi usiku; ndipo Sauli wangula tulo pakati pa ŵankhondo, mkondo wake wajunthika pasi pafupi pa mutu wake; Abnere ndi nkhondo yose ŵangugoŵa kwakumuzunguliya.