1 Samuele 16:7 - Tonga Bible 1986

⁷ Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

1 Samuele 16:7 ပူးပေါင်းရင်းမြစ်များ

Chiyambo 4:5

Ndipo Ambuya angurumba Abelu ndi mpasku wake, kweni kaini ndi mpasku wake angumurumba cha. Viyo Kaini wangukara ukongwa, ndipo chisku chake chingubwanthuka.

2 Samuele 14:25

Kweni mu Yisraele yose mwengavi yumoza yo wanguthokozeka pa chifukwa cha kutowa kwake nge ndi Absalomu, kutuliya kusi ku phazi lake, mpaka pachanya pa mutu wake, mwaku iyo mwengavi kalema.

2 Samuele 7:20

Ndipo kajako so nkhane ko Davidi wangarongoro kwinu? Pakuti imwe muziŵa ndi mteŵeti winu, A, Ambuya Chiuta!

1 ŴaKaronga 8:39

vwani imwe kuchanya ko malo gha uja winu, ndipo gowokiyani, ndi chitani, mupaske kwaku yose yo mwaziŵa mtima wake, kwakulingana ndi nthowa zake zose (chifukwa imwe, ndimwe pe, muziŵa mitima ya ŵana ŵa ŵanthu);

1 Mikoka 17:18

Ndipo nchine so chakuruska cho Davidi wangakamba ndi za ulemu wo wachitikiya mteŵeti winu? Pakuti muziŵa mteŵeti winu.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 Mikoka 16:9

Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”

2 Mikoka 6:30

imwe mumuvwe kuchanya ko ku malo ghinu ghakujamo, mumugowoke; mugaŵiye we yose kwakulingana nge ndimo muziŵiya mtima wake, ndi mendedu ghake (pakuti imwe mwija ndimwe muziŵa mitima ya ŵana ŵa ŵanthu);

Jobu 10:4

Kumbi mwe ndi maso gha liŵavu, kumbi muwona nge ndimo munthu wawone?

Jobu 35:5

Lereskani kuchanya, ndi wonani; wonani mitambo, yo ye pachanya kwakuruska imwe.

Sumu 139:2

Imwe muziŵa chose cho ndichita, kutuliya kutali muwamo maghanaghano ghangu ghose.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Nthanthi 15:11

Muunda ndi pharghaniku vye pakweru paurongo pa Ambuya, nako kwe mtima ya ŵanthu kwe uli!

Nthanthi 16:2

Nthowa zose za munthu zakutowa mu maso gha mweneko; kweni Ambuya wapima mzimu.

Nthanthi 24:12

Asani utiti, “Ehe tengavi kuchiziŵa ichi,” kumbi mweniyo wapima mtima, kuti watichiziŵa cha chenichi? Kumbi mweniyo wasunga mzimu wako kuti watichiziŵa cha chenichi, ndipo kumbi iyo kuti wakalipilanga munthu kwakuyana ndi nchitu yake cha?

Nthanthi 31:30

Mayera ghanyenga, ndipo kutowa nako nchawaka, kweni munthukazi wakopa Ambuya warumbikenge.

Yeremiya 11:20

Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Yeremiya 20:12

Ambuya mwe ŵa maŵanja, imwe mutesa ŵarunji, imwe muwona mtima ndi zeru, ndiwoneskeni thayu linu paku iwo, pakuti ndapereka kwinu mlando wangu.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Yohane 7:24

Mungeruzga kwakuyana ndi kawonekero cha, kweni mweruzge cheruzgu chirunji.”

Yohane 8:15

Imwe muteruzga kwakuyana ndi zeru za unthu kuti nditeruzga yumoza cha.

Machitidu gha Ŵakutumika 1:24

Ndipo ŵanguromba, ŵakuti, “Imwe, Ambuya, mwaŵakuziŵa mitima yaku wose,

2 ŴaKorinte 10:10

pakuti watiti, “Makalata ghake ngazitu ndi ghanononu, kuŵapo kwake mu liŵavu nkhwakutomboroka ndipo mazu ghake ngawaka.”

2 ŴaKorinte 10:7

Thoŵani vya pa maso pinu. Asani munthu wajigomekezga kuti ngwaku Kristu wajipimiye so kuti mo waliri iyo waku Kristu, ndimo tirire ifwe nafwe.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

1 Petro 2:4

Muzenge na kwaku mweniyo, mwa wamoyo, wakupatika nadi ndi ŵanthu, kweni kwaku Chiuta wakusankhika, wakuzirwa;

1 Petro 3:4

kweni munthu yo wakubisama mu mtima, watenere kadghoŵedu kambura kuwo, ka mzimu upovu ndi wachisisi, wo pa maso ghaku Chiuta ngwakuzirwa ukongwa.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

1 Samuele 2:3

Rekani kurongoro kwakujikuzga, kujirumba kureke kutuwa mu mlomo winu; pakuti Ambuya ndi Chiuta wa vinjeru, ndipo ndi iyo nchitu zose zipimika pa mweso.

1 Samuele 9:2

uyu wenga ndi mwana yo zina lake lenga Sauli, munyamata wakutowa. Pengavi munyamata mu ŵaYisraele wose yo wangutowa nge ndiyo; kutuliya mu maphewa ghake kurazga kuchanya wenga mutali kuruska wose.