1 Samuele 16:21 - Tonga Bible 1986

²¹ Davidi wanguti wafika kwaku Sauli wangwamba kumuteŵete. Sauli wangumwanja ukongwa Davidi, ndipo wangumuŵika kuŵa wakupinga vidya vyake.

1 Samuele 16:21 ပူးပေါင်းရင်းမြစ်များ

Chiyambo 41:46

Yosefe wenga wa virimika machumi ghatatu (30) mu umoyo wake pa nyengo yeniyo wangusere munchitu yaku Farao karonga wa Egipiti. Ndipo Yosefe wangutuwapo pa maso paku Farao ndi wangwenda mu charu chose cha Egipiti.

1 ŴaKaronga 10:8

Mbakukondwa ŵawoli ŵinu! Mbakukongwa ŵaŵanda ŵinu yaŵa, wo nyengu zose ŵatuma paurongo pinu kuvwa zeru yinu.

Sumu 118:9

Nkhwamampha kudingang'a mwa Ambuya kwakuruska kugomezga mu mafumu.

Sumu 146:3

Rekani kugomekezga mu ŵarongozgi ŵa ŵanthu, pamwenga mu mwana wa munthu yo mwake mulivi chovyo.

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

Nthanthi 22:29

Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

Marangu 1:38

Kweni Yoswa mwana waku Nuni, mweniyo watuma pa maso pako wamuselemo, Umukhwimiske pakuti ndiyo wamuhariska charu cho ŵaYisraele.

Marangu 10:8

Pa nyengo yiya Ambuya angupatuwa fuku laku Levi kupinga bokosi la phanganu la Ambuya kuma pa nthazi pa Ambuya kumuteŵete, ndi kutumbika zina lake mpaka zuŵa lino.

Ŵeruzgi 9:54

Ndipo wangudanirizga ruŵi ku munyamata wakupinga nguru yake, wanguti, “Soro lipanga lako ndi undibaye, vinu ŵanthu pakukamba ghaku ine ŵakatinge ‘Wangumubaya ndi munthukazi.’ ” Ndipo munyamata wake wangumulasa, ndi wangufwa.

1 Samuele 16:22

Viyo Sauli wangutuma kwaku Jese, wakuti, “Zomera kuti Davidi wajaririye pakunditeŵete, pakuti wasaniya wezi mu maso ghangu.”

1 Samuele 17:15

kweni Davidi wendanga-endanga warutanga kwaku Sauli ndi kuweko mwakuti waziliskenge mberere za awiske ku Betelehemu.

1 Samuele 17:55

Po Sauli wanguwona Davidi waruta kwachimikana ndi muFilisti, wangufumba Abnere, nduna ya nkhondo, “Abnere, ndi mwana wakuyani mhurwa uyu?” Abnere wanguti, “Ndarapa umoyo winu, A! Karonga, nditumuziŵa cha.”

1 Samuele 19:7

Sono Jonafani wangudana Davidi, wangumurongo vinthu vyose ivi. Ndipo Jonafani wangumutore Davidi kwaku Sauli, ndipo wajanga pa maso pake nge ndi kali.