1 Samuele 16:20 - Tonga Bible 1986

²⁰ Sono Jese wanguto mbunda wanguyipingizga viŵande, ndi thumba la vinyo ndi kamwana kambuzi, wangu vitumizga kwaku Sauli pa janja laku Davidi.

1 Samuele 16:20 ပူးပေါင်းရင်းမြစ်များ

Chiyambo 43:11

Viyo uskeu Yisraele wanguti kwaku iwo. “Asani kwe viyo, iku chitani ichi: toriyani mu mathumba ghinu vipasi vyamampha vya charu ichi, ndi pingiyani muthu yo vyawanangwa, mafuta ghakupozga ghamanavi, ndi uchi umanavi, maziu, muro, mbarara za pistakio, ndi ŵazobara.

Nthanthi 18:16

Mpasku wamunthu utumulongosole iyo malo ndipo utumutole paurongo pa ŵanthu ŵakuzirwa.

1 Samuele 10:27

Kweni ŵanyake wo wengavi kwenere ŵatinge, “Watitaskenge uli munthu uyu?” Ŵangumuyeya ndipo kuti ŵangumuziya ndi vyawanangwa cha. Kweni iyo wanguja chete.

1 Samuele 10:4

Ŵakutawuzgenge ndipo ŵakupaskenge maburunga ghaŵi gha viŵande, gho utenere kuronda.

1 Samuele 16:19

Chifukwa ichi Sauli wangutuma mathenga kwaku Jese, ndikuti, “Nditumiyi Davidi mwana wako, yo we ku mberere.”

1 Samuele 17:18

ndipo so uto viyato ivi chumi upingiye nduna yawo ya pachanya pa ŵankhondo chikwi (1,000). Uwone, mo ŵabali ŵako ŵaliri; ndipo ukandipingiyeko ndindira kutuwa kwawo.”

1 Samuele 25:18

Penipo Abigaili wangutinthimika, wanguto viŵande machumi pe chumi ghaŵi (200) mathumba gha vinyo ghaŵi, mberere zinkhonde zakubayiya limu, myeso yinkhonde ya trigu wakukazinga, makhoroza machumi pe chumi (100) gha mphereska za kumira, ndi maburunga machumi pe chumi ghaŵi (200) gha nkhuyu, wanguviŵika pa zimbunda.