1 Samuele 16:14 - Tonga Bible 1986

¹⁴ Viyo mzimu wa Ambuya ungutuwamo mwaku Sauli, ndipo mzimu uheni wakutuliya ku Ambuya ungumusuzga.

1 Samuele 16:14 ပူးပေါင်းရင်းမြစ်များ

2 Samuele 7:15

kweni kuti ndituzgengeko kwaku iyo chanju changu cha nge ndimo ndinguchituzgiyako kwaku Sauli mweniyo ndingumutuzgapo pa maso ghako.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

1 ŴaKaronga 22:22

Ndipo Ambuya anguti kwaku wo, ‘Ndifundu uli?’ Ndipo unguti, ‘Ndikarutanga kwenikuwa, ndi po ndamkuŵa mzimu wakupusika mu mlomo wa ŵamchimi ŵake wose.’ Ambuya anguti, ‘Wakumunyengadi, ndipo wamkumugoda; rutanga ukachite viyo.’

Sumu 51:11

Rekani kunditaya kutali; kundituzga pa maso pinu, ndipo mureke kutuzgako kwangu mzimu winu wakupaturika.

Hoseya 9:12

Chingana ŵangalera ŵana, kweni ndiŵabayenge pakuti paŵengevi yumoza wakuja ndi umoyo, chitima kwaku iwo po nkhapatukangako kwaku iwo!

Ŵeruzgi 16:20

Delila wanguti, “ŴaFilisti ŵatukuko Samsoni.” Ndipo iyo wanguyuka mu tulo twake, wanguti, “Ndikatuwanga uli mpha nyengo zinyake, kwachijisukuniska,” kweni wakuwura kuziŵa kuti Ambuya amusiya yija.

Ŵeruzgi 16:29

Ndipo Samsoni wanguko ndi nthazi mizati yiŵi ya pakati-kati yeniyo nyumba yingugonapo, ndipo wangunyekezgapo uzitu wake, janja lake la marghe pa umoza la maze pa unyake.

Ŵeruzgi 9:23

Ndipo Chiuta wangutuma mzimu uheni pakati paku Abimeleke ndi ŵanthu ŵamu Shekemu; ndipo ŵanthu ŵamu Shekemu ŵanguchita nayo kwakupusika Abimeleke;

1 Samuele 11:6

Sauli wanguti wavwa makani yagha mzimu waku Chiuta ungumufikiya ndi nthazi, ndipo mtima wake ungukwiyiskika ukongwa.

1 Samuele 16:15

Ŵateŵeti ŵaku Sauli ŵangunena nayo, “Awonani sono, mzimu uheni wakutuliya kwaku Chiuta utukusuzgani.

1 Samuele 16:16

Sono mbuyafwe, languliyani ŵateŵeti ŵinu, wo ŵe paurongo pinu, ŵapenje munthu yo nchilimbi cha kumba kaligu; mwakuti po mzimu uheni waku Chiuta ungakuziyani, iyo wambenge, ndipo muŵenge umampha.”

1 Samuele 16:23

Ndipo po pose mzimu uheni wakutuliya kwaku Chiuta ungumufikiya Sauli, Davidi wanguto kaligu wangumba; viyo Sauli wangusisipuskika, wanguŵa umampha, mzimu uheni ungutuwamo mwake.

1 Samuele 18:10

Kunguti kwacha ndi mlenji mzimu uheni ungumufikiya Sauli kutuliya kwaku Chiuta, ndipo wabwebwetanga mu nyumba yake, po Davidi wambanga kaligu; nge ndimo wachitiyanga mazuŵa ghanyake; Sauli wenga ndi mkondo mu janja lake.

1 Samuele 18:12

Sauli wanguŵa ndi mantha paku Davidi, chifukwa Ambuya ŵenga nayo, wangutuwako kwaku Sauli.

1 Samuele 28:15

Ndipo Samuele wangunena ndi Sauli, “Chifukwa nchine wandisuzga pakundikwezge kuno?” Wangwamuka, “Ndaŵa musuzgu yikuru pakuti ŵaFilisti ŵarwana nane nkhondo, ndipo Chiuta watuwako kwangu kuti watindamuka so cha, chingana ndi mu ŵamchimi pamwenga mu maloto; chifukwa ichi ndamudanani kuti mundinene cho nditenere kuchita.”