1 Samuele 16:13 - Tonga Bible 1986

¹³ Samuele wanguto supa ya mafuta, wangumupaka kumupatuwa mukati mu ŵabali ŵake; ndipo mzimu wa Ambuya unguza ndi nthazi paku Davidi kutuliya pa zuŵa liya mpaka ku urongo. Samuele wangusoka, ndi kuruta ku Rama.

1 Samuele 16:13 ပူးပေါင်းရင်းမြစ်များ

2 Samuele 12:7

Natani wanguti kwaku Davidi, “Munthu yo ndimwe. Viyo atiti Ambuya, Chiuta waku Yisraele, ‘Ndingukupaka karonga pa ŵaYisraele, ndipo ndingukutaska ku janja laku Sauli;

2 Samuele 2:4

Ŵanguza ŵanthu ŵaku Yuda, ndipo kwenikuwa ŵangupaka Davidi karonga pa nyumba yaku Yuda. Wanguti ŵamunene Davidi, “Mbanthu ŵaku Yabeshe-Gileada wo ŵanguŵika Sauli,”

2 Samuele 23:1

Ndipo yagha ndi mazu ghaku mariya ghaku Davidi: Karongororedu kaku Davidi, mwana waku Jese, kakambidu ka munthu yo wangukwezgeka pachanya wakupakika waku Chiuta waku Yakobe, mwimbi wakunozga waku Yisraele:

2 Samuele 5:3

Viyo ŵara wose ŵaYisraele ŵanguza ku karonga pa Hebroni; ndipo karonga Davidi wangupangana nawo phanganu pa Hebroni pa maso pa Ambuya, ndipo ŵangumupaka Davidi kuŵa karonga pa ŵaYisraele,

2 ŴaKaronga 9:6

Sono wangusoka ndipo wangusere mu nyumba, ndipo munyamata yo wangudira mafuta pa mutu wake, wachinena kwaku iyo, “Viyo atiti Ambuya Chiuta waku Yisraele, Nditukupaka iwe kuŵa karonga pa ŵanthu ŵa Ambuya, paku Yisraele.

1 Mikoka 11:3

Sono wose ŵaraŵara ŵa ŵaYisraele ŵanguza ku karonga pa Hebroni; ndipo Davidi wangupangana nawo phanganu pa Hebroni pa maso pa Ambuya, ndipo ŵangumpaka Davidi kuŵa karonga pachanya pa ŵaYisraele, kwakulingana ndi mazu gha Ambuya mwaku Samuele.

Sumu 89:20

Ndatando mteŵeti wangu Davidi, ndamuchita kuŵa karonga winu;

Sumu 89:21

ndipo janja langu likaŵanga paku iyo nyengo yose, janja langu likamupaskanga nthazi.

Maŵerengedu 11:17

Nkhasikanga kwazirongoro nawe penipo; ndipo nkhatongako mzimu wo we mwako ndi kuwuŵika mwaku iwo; ndipo ŵakanyamuwanga uzitu wa ŵanthu pamoza nawe, alinga kuti ureke kuwunyamuwa wija.

Maŵerengedu 27:18

Ndipo Ambuya angurongoro ndi Mosese. “Uto Yoswa mwana waku Nuni, munthu mwaku mweniyo mwe mzimu, uŵike janja lako paku iyo;

Yohane 3:34

Chifukwa mweniyo Chiuta wamtuma, warongoro mazu ghaku Chiuta: chifukwa kuti wapaska Mzimu kwamweso cha.

Machitidu gha Ŵakutumika 13:22

ndipo wati wamtuzgapo, wanguŵayuskiya Davidi, kuŵa karonga kwaku mweniyo wangusimikizga, wakuti, ‘Ndamsaniya Davidi, mwana waku Jese, munthu wakuyana ndi mtima wangu, yo wamchita makhumbu ghangu ghose.’

ŴaHebere 1:9

Mwanja urunji, ndipo mwatinkha uchikana marangu; chifukwa chenichi Chiuta, Chiuta winu, wamtukutizgiyani ndi mafuta gha chimwemwe kwakuzungura ŵanase ŵinu.”

ŴaHebere 11:32

Chifukwa nyengo yindipereŵiyenge kukonkhoma vyaku Gideoni ndi Baraki, ndi Samsoni, ndi Jefta, ndi Davidi ndi Samuele ndi ŵamchimi wo.

Ŵeruzgi 11:29

Sono mzimu wa Ambuya unguza paku Jefta, ndipo wanguporota mu Gileada ndi Manase, wangurutiriya ku Mizipa waku Gileada ndipo kutuwa ku Mizipa waku Gileada wangurutiriya ku Amoni;

Ŵeruzgi 13:25

Ndipo mzimu wa Ambuya ungwamba kumuchenjereska mu Mahane-dani, pakati pa Zora ndi Eshetalo.

Ŵeruzgi 14:6

viyo Mzimu wa Ambuya unguza ndi nthazi paku iyo, ndipo wanguparuwa nkharamu tumanatumana uli ndimo munthu waparuliya kamsese, ndipo wengavi kanthu mu janja lake. Kweni kuti wanguneniyapo awiske pamwenga anyina paku cho wanguchita cha.

Ŵeruzgi 3:10

Mzimu wa Ambuya unguza paku iyo, ndipo wangweruzga Yisraele; wanguya ku nkhondo, ndipo Ambuya angupereka Kushani-rishataimu karonga waku Mesopotamia mu janja lake, ndipo janja lake lingupunda paku Kushani-rishataimu.

1 Samuele 1:19

Ndipo wangucherera ndi mlenji wangusopa paurongo pa Ambuya; ndi wanguwere ku nyumba yake ku Rama. Elkana wanguziŵa muwoli wake Hana, ndipo Ambuya angumukumbuka;

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

1 Samuele 10:6

Ndipo mzimu wa Ambuya uzenge paku iwe ndi nthazi yikuru, ndipo ukachimanga pamoza nawo ndi ukasandukanga munthu munyake.

1 Samuele 11:6

Sauli wanguti wavwa makani yagha mzimu waku Chiuta ungumufikiya ndi nthazi, ndipo mtima wake ungukwiyiskika ukongwa.

1 Samuele 16:18

Yumoza wa ŵahurwa wangwamuka wanguti, “Awonani, Ndawona mwana waku Jese waku Betelehemu; yo nchilimbi mu kumba, munthu yo ngwanthazi, ndipo ndi ngwazi ya kurwa, wa vinjeru mu kurongoro, munthu wakuma umampha; ndipo Ambuya ŵe nayo.”

1 Samuele 18:12

Sauli wanguŵa ndi mantha paku Davidi, chifukwa Ambuya ŵenga nayo, wangutuwako kwaku Sauli.

1 Samuele 2:35

Ndipo nkhajiyuskiyanga mzukuru wa chivwanu, mweniyo wakachitanga kwakuyana ndi mtima wangu ndi zeru zangu; ndikamuzenganga kuŵa nyumba yakukho, wakaserenga ndipo wakatuwanga paurongo pa ŵakupakika ŵangu kwamuyaya.