1 Samuele 16:12 - Tonga Bible 1986

¹² Wangumutumiya munthu ndipo wanguza nayo. Wenga muyera wakuŵa ndi maso ghakunozga wakuma umampha. Ambuya anguti, “Soka umupake; chifukwa ndiyo mwenuyu.”

1 Samuele 16:12 ပူးပေါင်းရင်းမြစ်များ

Chiyambo 39:6

Viyo wangusiya vyose vyo wenga navyo mu mtufu waku Yosefe, ndipo wachiŵa ndi iyo wachitanga so kanthu nanga nkhamoza cha kweni kurgha pe kweniko warghanga. Sono Yosefe wenga wakutowa ndi wakunozga pakumulereska.

2 Samuele 23:1

Ndipo yagha ndi mazu ghaku mariya ghaku Davidi: Karongororedu kaku Davidi, mwana waku Jese, kakambidu ka munthu yo wangukwezgeka pachanya wakupakika waku Chiuta waku Yakobe, mwimbi wakunozga waku Yisraele:

2 Samuele 7:8

Mu chifukwa ichi ukambenge ndi mteŵeti wangu Davidi, ‘Viyo atiti Ambuya ŵa maŵanja, ndingukuto ku uliska, ku kulondo mberere, mwakuti uŵi mwana wa karonga pa khamu langu Yisraele;

1 ŴaKaronga 1:34

ndipo Zadoki mzukuru ndi Natani mchimi ŵamupake mafuta kuŵa karonga wa Yisraele kwenikuwa; ndipo mukuŵi mbata, ndi munene kuti, ‘Waŵe waumoyo utali karonga Solomoni!’

Sumu 2:2

Ŵatijimiska ŵakaronga ŵa pasi, ndi ŵeruzgi ŵachita upu pamoza, kumikana ndi Ambuya ndi ŵakupakika ŵawo, ŵatiti,

Sumu 2:6

“Ndamika karonga wangu pa Zioni, phiri langu lakupaturika.”

Sumu 78:70

Angusankha mteŵeti wawo Davidi; angumuto ko wasunganga mberere,

Chituwa 2:2

Munthukazi yo wanguzuwuka ndi wangupapa mwana munthurumi; ndipo penipo wanguwona kuti wenga mwana wamampha, wangumubisa myezi yitatu.

Sumu ya Zisumu 5:10

Nkhwanjiwa wangu ndi mtuŵa ndi muyera, iyo we pade mukati muvikwi chumi.

Chitenje 4:7

Mafumu ghawo ghangutowa kwakuruska nyankhuŵinda, ghatuŵa kwakuruska mukaka; maluŵavu ghawo ghangufyuŵara kwakuruska kabo, kunozga kwakawonekedu kawo kwenga uli ndi mwa wakuzirwa.

Zekariya 4:14

Ndipo wanguti, “Yaŵa mbakupakika ŵaŵi wo ŵatuma pafupi ndi Ambuya ŵa charu chose chapasi.”

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,

Machitidu gha Ŵakutumika 7:20

Mu nyengo yeniyo wanguwiya Mosese yo wenga wakutowa ukongwa; myezi yitatu wangulereka mu nyumba ya awiske;

ŴaHebere 11:23

Ndi chivwanu Mosese wati wawa wangubisika ndi ŵapapi ŵake myezi yitatu, pakuti ŵanguwona kana kenga kakunozga; ndipo kuti ŵangopa cha lamulu la karonga yo.

1 Samuele 16:18

Yumoza wa ŵahurwa wangwamuka wanguti, “Awonani, Ndawona mwana waku Jese waku Betelehemu; yo nchilimbi mu kumba, munthu yo ngwanthazi, ndipo ndi ngwazi ya kurwa, wa vinjeru mu kurongoro, munthu wakuma umampha; ndipo Ambuya ŵe nayo.”

1 Samuele 17:42

MuFilisti wanguti walereska, ndi kuwona Davidi, wangumuyeya; pakuti wenga mwana mhurwa, myera wa chisku chakutowa.

1 Samuele 17:55

Po Sauli wanguwona Davidi waruta kwachimikana ndi muFilisti, wangufumba Abnere, nduna ya nkhondo, “Abnere, ndi mwana wakuyani mhurwa uyu?” Abnere wanguti, “Ndarapa umoyo winu, A! Karonga, nditumuziŵa cha.”

1 Samuele 9:17

Sono po Samuele wanguti wawona Sauli Ambuya angumunene, “Ndi mwenuyu munthu yo ndingukunene! Uyu ndiyo wakausanga ŵanthu ŵangu.”