1 Samuele 16:1 - Tonga Bible 1986

¹ Ambuya anguti kwaku Samuele, “Mpaka zuŵanji ukachitiyanga chitima Sauli, pakuti Ine ndamukana kuti waŵe karonga pa ŵaYisraele? Zaza supa yako ndi mafuta. Ndipo ruta; ndikutumenge kwaku Jese waku Betelehemu, pakuti ndajiwone ndamwene karonga mukati mu ŵana ŵake.”

1 Samuele 16:1 ပူးပေါင်းရင်းမြစ်များ

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

2 ŴaKaronga 9:1

Sono Elisha mchimi wangudana yumoza wa ŵana ŵa ŵamchimi wangunena nayo, “Vwara zikho, ndipo upinge supa iyi ya mafuta ndi uruti ku Ramoti-gileada.

2 ŴaKaronga 9:3

Sono ukato supa ya mafuta, ukamupunguliye pa mutu ndi ukamunene, ‘Viyo atiti Ambuya, nditukupaka kuŵa karonga paku Yisraele.’ Pavuli ukajure chisasa ukathaŵe, kwachiswera cha.”

2 ŴaKaronga 9:6

Sono wangusoka ndipo wangusere mu nyumba, ndipo munyamata yo wangudira mafuta pa mutu wake, wachinena kwaku iyo, “Viyo atiti Ambuya Chiuta waku Yisraele, Nditukupaka iwe kuŵa karonga pa ŵanthu ŵa Ambuya, paku Yisraele.

1 Mikoka 11:3

Sono wose ŵaraŵara ŵa ŵaYisraele ŵanguza ku karonga pa Hebroni; ndipo Davidi wangupangana nawo phanganu pa Hebroni pa maso pa Ambuya, ndipo ŵangumpaka Davidi kuŵa karonga pachanya pa ŵaYisraele, kwakulingana ndi mazu gha Ambuya mwaku Samuele.

1 Mikoka 28:4

Ndi kweni Ambuya, Chiuta waku Yisraele wangundisankha mu nyumba yose ya ada kuti ndiŵe karonga waku Yisraele muyaya; chifukwa wasankha Yuda kuŵa murongozgi, ndipo mu nyumba yaku Yuda, wasankha nyumba ya ada, ndi mukati mu ŵana, ŵa ada, ine ndingumunozge kundimika karonga waku Yisraele yose,

Yesaya 11:1

Pakatuwanga chitivwa pa chipandu chaku Jese, ndipo mphanda yikakuwanga kutuwa ku misisi yake.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Yeremiya 11:14

“Chifukwa cho reka kuŵarombe ŵanthu yaŵa, kuliya pamwenga kuromba chifukwa chawo, chifukwa kuti ndikategherezganga cha ŵachidana kwaku ine mu nyengo ya suzgu yawo.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 6:30

Ŵadanika siliva lakupatika, pakuti Ambuya aŵapata iwo.”

Yeremiya 7:16

“Iwe ungaŵarombiyanga cha yaŵa ŵanthu, pamwenga kukwezga kuliya pamwenga rombu chifukwa chawo, ndipo ungandiŵerenga cha, pakuti nditukuvwa cha.

Zekariya 4:14

Ndipo wanguti, “Yaŵa mbakupakika ŵaŵi wo ŵatuma pafupi ndi Ambuya ŵa charu chose chapasi.”

ŴaRoma 15:12

Ndipo so Yesaya watiti, “Kuŵengepo nkhorozu yaku Jese, ndiyo wayukiyenge kwachiusa Mitundu; mwaku iyo yigomekezgiyenge Mitundu.”

ŴaHebere 11:32

Chifukwa nyengo yindipereŵiyenge kukonkhoma vyaku Gideoni ndi Baraki, ndi Samsoni, ndi Jefta, ndi Davidi ndi Samuele ndi ŵamchimi wo.

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

1 Samuele 15:11

“Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.

1 Samuele 15:23

Pakuti kugaruka kwenge mbuheni wa kombeza, ndipo mtafu wenge nkhwananga ndi kusopa vikozgo. Chifukwa wakana mazu gha Ambuya iwo nawo akana iwe kuŵa karonga.”

1 Samuele 15:26

Samuele wanguti kwaku Sauli, “Kuti ndiwenge pamoza nawe cha; pakuti wakana mazu gha Ambuya, Ambuya akana iwe kuŵa karonga pa ŵaYisraele.”

1 Samuele 15:35

Ndipo Samuele kuti wangumuwona so cha Sauli mpaka zuŵa la nyifwa yake, kweni Samuele wanguchita chitima paku Sauli. Ndipo Ambuya anguchita chitima chifukwa angutondo Sauli kuŵa karonga pa ŵaYisraele.

1 Samuele 16:15

Ŵateŵeti ŵaku Sauli ŵangunena nayo, “Awonani sono, mzimu uheni wakutuliya kwaku Chiuta utukusuzgani.

1 Samuele 16:23

Ndipo po pose mzimu uheni wakutuliya kwaku Chiuta ungumufikiya Sauli, Davidi wanguto kaligu wangumba; viyo Sauli wangusisipuskika, wanguŵa umampha, mzimu uheni ungutuwamo mwake.

1 Samuele 17:12

Davidi wenga mwana wamu Efrata waku Betelehemu mu Yuda, zina lake Jese, you wenga ndi ŵana ŵankhonde ndi ŵatatu. Mu mazuŵa ghaku Sauli ndipo Jese wakota kali wakuŵa ndi virimika vinandi.

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”