1 Samuele 15:9 - Tonga Bible 1986

⁹ Sauli pamoza ndi ŵanthu ŵake ŵangusiya Agagi, ndi mberere zamampha ndi ng'ombe ndi vyakututuŵa, ndi twana twa mberere, ndipo ndi chose cho chinguŵa chakunozga, kuti ŵangukhumba kuvimariya limu cha, vyo vyenga vya kuyeyeka ndi vyambura kwene ŵanguvinanga vyose.

1 Samuele 15:9 ပူးပေါင်းရင်းမြစ်များ

2 Samuele 6:13

ndipo wakupinga Bokosi wanguti wendapo michapu yinkhonde ndi umoza, wanguchita sembe ya ng'ombe ndi kakututuŵa.

1 ŴaKaronga 20:34

Benehadadi wangunena nayo, “Misumba yo ada ŵangukwamphuwa ku auskemwe ndikawezganga mu Samaria.” Ndipo Ahabu wanguti, “Pa mapanganu yagha ndikakuzomerezganga kuti urutenge.” Viyo wanguchita nayo phanganu ndipo wangumuzomerezga kuruta.

Mateyu 26:9

Chifukwa muro lo linguziŵa kusaskika ndrama zinandi, ndi kupaskika ku ŵakavu.”

Yoswa 6:18

Kweni imwe, mujipatuweko ku vinthu vyo vyapaskika ku wanangiku, vinu kokuli mutakuti mwavipaska mungatopo cha chechose cha vinthu vyo vya paskika, kuti muchitiske ugoŵi wa ŵaYisraele chinthu chakubwangandulika, ndi kutole suzgu paku wo.

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

1 Samuele 15:10

Mazu gha Ambuya ghanguza kwaku Samuele:

1 Samuele 15:15

Sauli wanguti, “Ŵavipinga kutuwa ku Amaleke, pakuti ŵanthu ŵangusunga mberere ndi ng'ombe, zakunozga kupereka sembe ku Ambuya Chiuta winu, vinyake vyose tapasuwa.”

1 Samuele 15:19

Nchifukwa uli cho ungureke kuvwiya mazu gha Ambuya? Chifukwa nchine unguthaŵiriya pavyakuskoŵa, ndi kuchita cho nchiheni mu maso gha Ambuya?”

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

1 Samuele 28:18

Chifukwa iwe wengavi kuvwiya mazu gha Ambuya, ndipo ukari wawo pa Amaleke, kuti iwe ungufiska cha, mu chifukwa ichi Ambuya akuchitiya chinthu ichi zuŵa linu.