1 Samuele 15:33 - Tonga Bible 1986

³³ Ndipo Samuele wanguti, “Nge ndimo lipanga lako lachitiskiya ŵanthukazi kuŵa ŵambura ŵana, viyo ndimu anyoko ŵaŵiyenge ŵambura mwana mukati mu ŵanthukazi.” Ndipo Samuele wangudumuwa Agagi tuvipitika paurongo pa Ambuya mu Gilgala.

1 Samuele 15:33 ပူးပေါင်းရင်းမြစ်များ

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

1 ŴaKaronga 18:40

Ndipo Eliya wanguti kwaku wo, “Ŵakoni ŵamchimi ŵaku Bala, mungarekapo yumoza kuti wathaŵa cha.” Ndipo ŵanguŵako; sono wangusikiya nawo ku kamsinji ka Kishoni, ndipo ŵanguŵabayiya kwenikuwa.

Chituwa 17:11

nyengo yose yeniyo Mosese wangusoska janja lake, ŵaYisraele ŵangupunda, ndipo penipo wangusiska janja lake, Amaleke ŵangupunda.

Chituwa 21:24

jiso ku jiso, jinu ku jinu, janja ku janja, rundi ku rundi,

Yesaya 34:6

Ambuya ŵendi lipanga; lakhorwa ndi ndopa, lakuruŵika ndi mafuta, ndi mafuta gha ŵana ŵamberere ndi mbuzi, ndi mafuta gha sana za ŵabira. Pakuti Ambuya ŵendi chisopo mu Bozra, kubaya kukuru mu charu cha Edomu.

Yeremiya 18:21

Chifukwa cho mupereke ŵana ŵawo ku chilala; muŵapereke ku nthazi ya lipanga, ŵawoli ŵawo ŵaŵe ŵambura ŵana, ŵaŵe vyoko. Ŵanthurumi ŵawo ŵafwe, ndi chideru, ŵanyamata ŵawo ŵabayike ndi lipanga mu nkhondo.

Yeremiya 48:10

“Wakutembeka ndi munthu yo wachita nchitu ya Ambuya ndi kutomboloka; ndipo wakutembeka ndi mweniyo wakanizga lipanga lake kudiska ndopa.

Hoseya 6:5

Chifukwa ichi ndaŵacheka ndi ŵamuchimi, ndaŵabaya ndi mazu gha mu mlomo wangu, ndipo cheruzgu changu chituwa nge mbukweru.

Maŵerengedu 14:45

Ndipo Amaleke ndi ŵaKanani ŵajanga mu phiri leniliya ŵangusika, ŵanguŵapuma ndi kuŵadikiska mpaka ku Horoma.

Mateyu 7:2

Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Chivumbuzi 18:6

Muwerezgiyenipo uli ndipo iyo wangupaskiya imwe, ndipo muwerezgiyenge iyo kaŵi vyakaŵi kwakulingana ndi nchitu zake: mu chandi mwenimo wangusazga, msazgiyeni kwakaŵi.

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.

1 Samuele 10:8

Ndipo ukandidanjiriyanga ku Gilgala; ayivwa, ndizenge kwaku iwe kwazipereka visopo vyakocha ndi kubaya visopo vya chimangu. Undirindizge mazuŵa ghankhonde ndi ghaŵi, mpaka po ine ndafika ndazakukurongo cho utenere kuchita.”

1 Samuele 15:32

Samuele wanguti, “Tore kunu kwangu Agagi karongo wa Amaleke.” Agagi wanguza kwake wakukondwa. Agagi wanguti, “Ndithu urwirwi wa nyifwa waruta.”