1 Samuele 15:28 - Tonga Bible 1986

²⁸ Samuele wanguti kwaku iyo, “Ambuya aparuwa ufumu waku Yisraele kutuwa kwako msana wale, ndipo awupereka ku mwanasi wako, yo ngwamampha kuruska iwe.

1 Samuele 15:28 ပူးပေါင်းရင်းမြစ်များ

2 Samuele 3:10

kutuzga ufumu pa nyumba yaku Sauli ndi ku jarika chitengo chaku Davidi paku Yisraele ndi paku Yuda kutuliya ku Dani mpaka ku Beresheba.”

2 Samuele 3:18

Iku sono rongoni pakwero; pakuti Ambuya akupangana ndi Davidi, kuti ndi janja la mteŵeti wangu Davidi nditaskenge khamu langu Yisraele mu janja la ŵaFilisti, ndi ku janja la ŵarwani ŵawo wose.”

2 Samuele 3:9

Chiuta wandichitiye viyo, ndipo wasazgiyepo asani ndireka kumufiskiya Davidi vyo Ambuya akurapiya paku iyo,

2 Samuele 6:21

Sono Davidi wanguti kwaku Mikala, “Penga pa maso pa Ambuya, yo wangundisankha pachanya pa ausu, pachanya pa nyumba yake yose, kundimika nge ndi mwana wa karonga pa ŵaYisraele, khamu la Ambuya, ndipo ndikondwenge paurongo pa Ambuya.

1 ŴaKaronga 11:11

Chifukwa cho Ambuya anguti kwaku Solomoni, “Pakuti ili laŵa khumbo lako ndipo ulivi kusunga phanganu langu ndi marangu ghangu ghenigho ndakulanguliya, kwakuneneska ndikaparuwanga ufumu wo kwaku iwe ndipo ndikawupaskanga ku muŵanda wako.

1 Mikoka 10:14

kuti wangufumba urongozgi ku Ambuya cha. Chifukwa cho Ambuya angumubaya, ndipo angung'anamuliya ufumu kwaku Davidi mwana waku Jese.

Jobu 34:24

Waphwanyenge vinkhara kwambura kupenjapenja ndi kuŵika ŵanyake mu malo ghawo.

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Yohane 19:11

Yesu wangumwamuka, “Kuti ungaziŵa kuŵa ndi mtufu kose paku ine cha, kwambura kuti wapaskika kwako kutuwa kuchanya: chifukwa chenichi wakundikombole kwaku iwe we nawo ulakwi ukuru kwakuruska.”

Machitidu gha Ŵakutumika 13:22

ndipo wati wamtuzgapo, wanguŵayuskiya Davidi, kuŵa karonga kwaku mweniyo wangusimikizga, wakuti, ‘Ndamsaniya Davidi, mwana waku Jese, munthu wakuyana ndi mtima wangu, yo wamchita makhumbu ghangu ghose.’

ŴaRoma 13:1

Mzimu wose uthere ku mitufu yira: chifukwa kulive mtufu kwambura kuti we pasi paku Chiuta: ndipo mitufu yo yiripo, yatemeka ndi Chiuta.

1 Samuele 13:14

Kweni ufumu wako kuti urutiliyenge cha; Ambuya asankha munthu wapa mtima wawo; ndipo amumika kuŵa murongozgi wa wanthu ŵake, chifukwa iwe kuti wasunga cho Ambuya angukulanguliya cha.”

1 Samuele 16:12

Wangumutumiya munthu ndipo wanguza nayo. Wenga muyera wakuŵa ndi maso ghakunozga wakuma umampha. Ambuya anguti, “Soka umupake; chifukwa ndiyo mwenuyu.”

1 Samuele 18:8

Ndipo Sauli wangukwiya ukongwa, chifukwa kakambidu yaka kuti kangumukondweska cha; watinge, “Ŵapaska kwaku Davidi vikwi vya machumi, kwangu ŵapaska vikwi; na sono kajako so nkhane kanyake ko wapere kweni ufumu pe?”

1 Samuele 25:30

Ndipo kuŵenge kuti po Ambuya afiska ku ambuyangu kwakulingana ndi vyamampha vyose vyo akamba vyapaku imwe, ndi kumumikani kuŵa pa ŵaYisraele,