1 Samuele 15:24 - Tonga Bible 1986

²⁴ Sauli wangunena ndi Samuele, “Ndalakwa; pakuti ndajumpha dangu la Ambuya ndi mazu ghinu, chifukwa ndingopa ŵanthu ndinguvwiya mazu ghawo.

1 Samuele 15:24 ပူးပေါင်းရင်းမြစ်များ

Chiyambo 3:12

Munthu yo wanguti, “Munthukazi yo mungundipaska kuŵa nane, ndiyo wandipaska chipasi cha muti wo, ndipo ndargha.”

Chiyambo 3:17

Ndipo kwaku Adamu wanguti: “Chifukwa wavwiya mazu gha muwoli wako, ndipo warghapo muti wo ndingukuchenjezga kuti, ‘Ungarghanga cha,’ njakutembeka nyata yo chifukwa chako; mu kutakataka ukarghanga vyake mazuŵa ghose gha umoyo wako;

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

Jobu 31:34

chifukwa ndinguma mu chofyo chikuru cha mzinda, ndi muyuyu wa mbumba vingunditenthemeska, viyo kuti ndinguma cheti, ndengavi kuturiya kubwaro.

Sumu 51:4

Imwe, imwe pe, ndanangiya, ndipo cho nchiheni mu maso ghinu ndachita, viyo, murunjika pa kunderuzga ndi ambura kalema mu cheruzgu chinu.

Chituwa 10:16

Sono Farao wangudana Mosese ndi Aroni kwaruŵiruŵi, ndi wanguti, “Ndalakwiya Ambuya Chiuta winu, ndi imwe so.

Chituwa 23:2

Mungarondonga mpingu wa ŵakuchita uheni; pamwenga kuchita ukaboni mrandu, kupatuka ndi kundondoroska ŵanandi, kwachitimbanizga uneneska,

Chituwa 9:27

Sono Farao wangutuma nthumi kwachidana Mosese ndi Aroni, ndi wanguti kwaku wo, “Ndalakwa nyengo yino, Ambuya mbarunji ndipo ine ndi ŵanthu ŵangu te ŵakwananga.

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Yeremiya 38:5

Karonga Zedekiya wanguti, “Ehe, wemu manja ghinu; pakuti karonga kuti wangachitapu kanthu cha kakumikana namwe.”

Maŵerengedu 22:34

Ndipo Balamu wangunena ndi mungelo wa Ambuya, “Ndalakwa, pakuti ndengavi kuziŵa kuti imwe munguma mu nthowa kumikana nane. Viyo sono, asani mbukazuzi mu maso ghinu, ndiweriyenge kuvuli.”

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

ŴaGalatia 1:10

Chifukwa kumbi ndiwoja ŵanthu, pamwenga Chiuta iyo? Pamwenga ndilembe kukondweska ŵanthu? Asani ndale ndakondweskanga ŵanthu, mphanyi kuti ndingawa mteŵeti waku Kristu cha.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

1 Samuele 15:15

Sauli wanguti, “Ŵavipinga kutuwa ku Amaleke, pakuti ŵanthu ŵangusunga mberere ndi ng'ombe, zakunozga kupereka sembe ku Ambuya Chiuta winu, vinyake vyose tapasuwa.”

1 Samuele 15:30

Sauli wanguti, “Ndalakwa; kweni ndipuuli ndichitiyeni ulemu paurongo pa ŵara ŵa ŵanthu ŵangu ndi paurongo paku Yisraele, muŵe pamoza nane, mwakuti ndikasope Ambuya Chiuta winu.”

1 Samuele 15:9

Sauli pamoza ndi ŵanthu ŵake ŵangusiya Agagi, ndi mberere zamampha ndi ng'ombe ndi vyakututuŵa, ndi twana twa mberere, ndipo ndi chose cho chinguŵa chakunozga, kuti ŵangukhumba kuvimariya limu cha, vyo vyenga vya kuyeyeka ndi vyambura kwene ŵanguvinanga vyose.

1 Samuele 2:29

Chifukwa nchine ndi jiso la ususi ulereska pa sembe zangu ndi mipasku yangu yo ndingulangula, utumbika ŵana ŵako kwakuruska ine pakujitutuŵiska mwaŵeni ndi vigaŵa vyakusankhika vya mpasku wose wa ŵanthu ŵangu ŵaYisraele?’

1 Samuele 26:21

Sauli wanguti, “Ndananga; weko, mwana wangu Davidi, pakuti, kuti ndikuchitiyenge so uheni cha, chifukwa zuŵa linu wazirwa umoyo wangu mu maso ghako; awona, ndachita kwakupusa, ndipo ndananga ukongwa.”