1 Samuele 15:22 - Tonga Bible 1986

²² Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.

1 Samuele 15:22 ပူးပေါင်းရင်းမြစ်များ

Chiyambo 4:4

ndi Abelu wangutole zakupapika zakudanga za mskambu wake ndi mafuta ghawo.

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

Wakutaula 5:1

Sunga kenderu kako pakututa ku nyumba yaku Chiuta; kundere kufupi kutegherezga nkhwamampha kwakuruska kupereka sembe za wakupusa; pakuti kuti ŵaziŵa cha kuti ŵachita uheni.

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yeremiya 11:7

Pakuti ndinguŵachenjezga auskemwe, pa nyengo yo ndinguŵatuzgiya mu Egipiti; kuŵachenjezga kaŵi, inya mpaka zuŵa lino, kuti, Vwiyaninga mazu ghangu.

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Hoseya 6:6

Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Mateyu 12:7

Kweni asani munguziŵa mo chiriri chenichi, ‘Lisungu ndikhumba, ndi chisopu cha,’ mphanyi kuti mwaŵasuska cha wo mbambura kalema.

Mateyu 23:23

“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo.

Mateyu 5:24

reka danga mpasku wako paurongo pa jochero, ndi kanga, danga wanjaniskika ku mbali wako yo, sono pavuli po uzipereke mpasku wako.

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Marko 12:33

ndipo kumwanja iyo ndi mtima wose, ndi ndi uteska wose, ndi ndi nthazi yose, ndi kumwanja mwanase wako nge ndiwe wamweni, nkhwakuruska vyakocha vizirima ndi visopu.”

1 Samuele 13:12

ndatinge, ‘Sono ŵaFilisti ŵakasikiyanga kunu kwangu ku Gilgala, po kuti ndaŵeyere wezi wa wa Ambuya cha’; viyo ndingujichichizga, kupereka sembe yakocha.”

1 Samuele 13:13

Samuele wanguti, “Wachita kwakupusa; kuti wasunga dangu la Ambuya Chiuta cha, lo angukulanguliya pakuti sono mphanyi Ambuya akuzganga ufumu wako paku Yisraele muyaya.