1 Samuele 15:11 - Tonga Bible 1986

¹¹ “Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.

1 Samuele 15:11 ပူးပေါင်းရင်းမြစ်များ

Chiyambo 6:6

Ndipo Ambuya ŵenga ndi chitima kuti anguchita munthu mu charu, ndipo chinguŵakalariska mu mtima wawo.

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

2 Samuele 24:16

Ndipo mungelo wa Ambuya wanguti watambasuliya janja lake pa Yerusalemu ku ŵaparghang'a, Ambuya anguchita chitima ndi uheni uwu, ndipo angunena ndi mungelo wa nchitu ya kuparghang'a ŵanthu, “Mbwenu kwa kwana sono gowozga janja lako.” Ndipo mungelo wa Ambuya wenga pa mbuli waku Arauna muYebusi.

1 ŴaKaronga 11:9

Ndipo Ambuya angumukwiyiya Solomoni chifukwa mtima wake ungutuwako ku Ambuya, Chiuta waku Yisraele, yo wangumuwoneke kwakaŵi,

1 Mikoka 10:13

Viyo Sauli wangufwa mu kwananga kwake; wanguŵa wambura magomekezgeka ku Ambuya chifukwa chakureka kusunga marangu gha Ambuya ndipo so pa chifukwa chakupenja urongozgi ku ŵakuwukwa,

1 Mikoka 21:15

Chiuta wangutuma mungelo ku Yerusalemu kuwuparghang'a; kweni penipo wenga pafupi kuwuparghang'a Ambuya anguwona ndipo angugowoka pa uheni uwu; anguti ku mungelo wakuparghang'a, “Mbweno, gowozga janja lako sono.” Ndipo mungelo wa Ambuya wanguma pafupi pa mbuli waku Ornani mu Yebusi.

Jobu 34:27

chifukwa ŵangureka kumurondo, ndipo ŵengavi kuphwere nanga njumoza ya nthowa zake.

Sumu 109:4

Ŵatindisuska, nanga ndipenipo ine ndituŵanja, ndipo ndituŵarombe.

Sumu 110:4

Ambuya akuchita phanganu, ndipo kuti akaliwezganga so cha: “Ukaŵanga mzukuru ku muyaya, mu ndondomeka ya uzukuru waku Melkizedeke.”

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

Sumu 36:3

Mazu gha mlomo wake mbutimbanizi ndi chinyengo wareka kuchita mwazeru ndi kuchita umampha.

Sumu 78:41

Kaŵikaŵi ŵangumwesa Chiuta, ndi kumukwiyiska Mtuŵa Yumoza, waku Yisraele.

Sumu 78:57

ŵanguwere vuli ndi kuchita chigaruka nge mbauskeu; ŵambura magomezgeka nge ndi mivwi yakupong'eka mu uta, wakunyongoroka.

Chituwa 32:11

Kweni Mosese wanguŵeyere Ambuya Chiuta wake, ndi wanguti, “Ambuya mwe, chifukwa chine ukari winu ukole ndi kocha pa ŵanthu ŵinu, wo mukutole kuno kutuwa mu charu cha Egipiti ndi nthazi yikuru ndi janja lakulimba?

Chituwa 32:14

Ndipo Ambuya angung'anamukako ku uheni wo angughanaghana kuchita kuŵanthu ŵawo.

Yeremiya 11:10

Ŵawere vuli ku mautimbanizi gha ambuyawo, ŵeniwo ŵangukana kuvwa mazu ghangu; ŵandondoloska ŵachiuta ŵanyake kuŵatataliya; ŵaYisraele ndi ŵaYuda ŵaswa phanganu langu lenilo ndinguchita ndi auskeu.

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 34:16

kweni pavuli mungugadabuka so ndi mungukazuzga zina langu, penipo we yose waku imwe wanguko so muŵanda wake munthurumi ndi munthukazi; ŵeniwo munguŵafwatuwa kwakuyana ndi kukhumba kwawo, ndipo munguŵawezga kuŵa ŵaŵanda ŵinu.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Yeremiya 9:18

ŵatinthimike, ŵabuske chitenje paku ifwe, mwakuti maso ghidu ghapopome masozi, ndi nkhope zidu zidike maji.

Ezekiele 18:24

Kweni asani murunji watuwako ku urunji wake ndi kuchita mphurupuru wachita vyaunyakazi vyo munthu muheni wachita, kumbi wakaŵanga ndi umoyo? Palivi chimoza cha vyaurunji vyo wanguchita chikakumbukikanga; chifukwa cha kunanga ko wananga ndi uheni wo wachita, wakafwanga.

Amosi 7:3

Ambuya angugowoka paku ichi; “Kuti kukaŵanga viyo cha,” atiti Ambuya.

Yona 3:10

Penipo Chiuta wanguwona cho wanguchita, mo ŵangunyongoke ku nthowa yawo yiheni, Chiuta wangugowoka kureka kuchita uheni wo wangunena kuti wachitenge kwaku iwo; ndipo kuti wanguchita cha.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Zefaniya 1:6

ndi wo ŵawere vuli kutuwako kwa Ambuya, kuti ŵatuŵapenja Ambuya cha chingana nkhuŵafumba iwo.”

Mateyu 24:13

Kweni wakukunthiyapo mpaka umari, mweniyo wataskikenge.

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Luka 6:12

Ndipo kunguŵa mu mazuŵa yagha kuti wangutuliya ku phiri kwachiromba; ndipo wajariyanga usiku wose mu kuromba Chiuta.

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

Yoswa 22:16

“Viyo ndimo ukambiya mpingo wose wa Ambuya, ‘Ndi phuzu uli ili lo mwachita paku Chiuta waku Yisraele pakupatukako msana wale ku kurondo Ambuya, pa kujizenge imwe mwaŵeni jochero mu kugarukiya Ambuya?

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

1 Samuele 13:13

Samuele wanguti, “Wachita kwakupusa; kuti wasunga dangu la Ambuya Chiuta cha, lo angukulanguliya pakuti sono mphanyi Ambuya akuzganga ufumu wako paku Yisraele muyaya.

1 Samuele 15:10

Mazu gha Ambuya ghanguza kwaku Samuele:

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

1 Samuele 15:35

Ndipo Samuele kuti wangumuwona so cha Sauli mpaka zuŵa la nyifwa yake, kweni Samuele wanguchita chitima paku Sauli. Ndipo Ambuya anguchita chitima chifukwa angutondo Sauli kuŵa karonga pa ŵaYisraele.

1 Samuele 15:9

Sauli pamoza ndi ŵanthu ŵake ŵangusiya Agagi, ndi mberere zamampha ndi ng'ombe ndi vyakututuŵa, ndi twana twa mberere, ndipo ndi chose cho chinguŵa chakunozga, kuti ŵangukhumba kuvimariya limu cha, vyo vyenga vya kuyeyeka ndi vyambura kwene ŵanguvinanga vyose.

1 Samuele 16:1

Ambuya anguti kwaku Samuele, “Mpaka zuŵanji ukachitiyanga chitima Sauli, pakuti Ine ndamukana kuti waŵe karonga pa ŵaYisraele? Zaza supa yako ndi mafuta. Ndipo ruta; ndikutumenge kwaku Jese waku Betelehemu, pakuti ndajiwone ndamwene karonga mukati mu ŵana ŵake.”

1 Samuele 8:6

Kweni ichi Samuele kuti chingumukondweska cha po ŵangunena nayo kuti, “Tipaskeni karonga wakutiusa.” Ndipo Samuele wanguromba ku Ambuya.