1 Samuele 15:1 - Tonga Bible 1986

¹ Samuele wangunena ndi Sauli, “Ambuya angudituma kukupaka iwe kuŵa karonga pa ŵanthu ŵake ŵaYisraele; viyo sono uvwiske ku mazu gha Ambuya.

1 Samuele 15:1 ပူးပေါင်းရင်းမြစ်များ

2 ŴaKaronga 7:1

Kweni Elisha wanguti, “Vwani mazu gha Ambuya; viyo atiti Ambuya, Lamawa pa nyengo nge ndi iyi mweso wa ufwa wamampha ukagulikanga pa shekelo limoza, ndi myeso yiŵi ya barile pa shekelo limoza, palikomo la Samaria.”

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

1 Samuele 12:14

Asani mopenge Ambuya, kuŵateŵete ndi kuvwiya mazu ghawo kwambura kupatukako ku marangu ghawo, asani mose imwe ndi karonga yo wausa paku imwe murongonge Ambuya Chiuta winu, kukaŵanga umampha;

1 Samuele 13:13

Samuele wanguti, “Wachita kwakupusa; kuti wasunga dangu la Ambuya Chiuta cha, lo angukulanguliya pakuti sono mphanyi Ambuya akuzganga ufumu wako paku Yisraele muyaya.

1 Samuele 9:15

Kweni lenga lindazi zuŵa lakuza kwaku Sauli, Ambuya anguvumbuliya Samuele kuti:

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”