1 Samuele 14:50 - Tonga Bible 1986

⁵⁰ muwoli waku Sauli wenga Ahinoamu mwana munthukazi waku Ahimaza. Ndipo zina la nduna yake ya nkhondo lenga Abnere mwana waku Nere, msibweni waku Sauli;

1 Samuele 14:50 ပူးပေါင်းရင်းမြစ်များ

2 Samuele 2:8

Abnere, mwana waku Nere, nduna ya nkhondo yaku Sauli wanguto Ishiboshete mwana waku Sauli, wangwambukiya nayo ku Mahanaimi.

2 Samuele 3:27

Po Abnere wanguti wawere ku Hebroni, Yoabu wangumtore ku mphepete mukati mwa likomo kurongoro nayo, pa ubende, penipa wangumugwaza pa moyo, ndipo wangufwa, pa chifukwa cha ndopa zaku Asahele mbali wake.

2 Samuele 3:38

Karonga wangunena ndi ŵateŵeti ŵake, “Kumbi muziŵa cha kuti mwana wa karonga ndi chinkhara, wagona mu Yisraele zuŵa linu?

2 Samuele 3:6

Ndipo po kwenga nkhondo pakati pa nyumba yaku Sauli ndi nyumba yaku Davidi, Abnere wangujikuzga mu nyumba yaku Sauli.

1 Mikoka 26:28

Ndipo so vyose vyo Samuele muona ndi Sauli mwana waku Kishi, ndi Abneri mwana waku Neri ndi Yoabu mwana waku Zeruya ŵanguvipatuwa vya wanangwa vyose vyakupaturika vyenga mu janja laku Shelmoti ndi ŵabali ŵake.

1 Mikoka 27:21

wa fuku la nusu laku Manase muGileada, wenga Ido mwana waku Zekariya; waku Benjamini wenga Yasieli mwana waku Abneri;

1 Samuele 10:14

Asibweni ŵaku Sauli ŵangumufumba pamoza ndi wanchitu wake, “Munguya pani?” Iyo wanguti, “Tingampenja mbunda; ndipo po tinguwona kuti zengavi kusanirika, tinguruta kwaku Samuele.”

1 Samuele 17:55

Po Sauli wanguwona Davidi waruta kwachimikana ndi muFilisti, wangufumba Abnere, nduna ya nkhondo, “Abnere, ndi mwana wakuyani mhurwa uyu?” Abnere wanguti, “Ndarapa umoyo winu, A! Karonga, nditumuziŵa cha.”

1 Samuele 26:5

Sono Davidi wangusoka wanguza ku malo ko kungugoŵa Sauli, Davidi wangughawona malo po Sauli wangugona, pamoza ndi Abnere mwana waku Nere, nduna ya nkhondo yake; Sauli wangugona pakati pa ŵankhondo, maŵanja ghangugoŵa kwakumuzunguliya.