1 Samuele 14:45 - Tonga Bible 1986

⁴⁵ Viyo ŵanthu wangunena ndi Sauli, “Kumbi wakafwanga nadi Jonafani, yo wachita nchitu yikuru iyi ya upundi mu Yisraele? Wangafwa cha! Mo aliri Ambuya amoyo kuti liwengepo pasi cha nanga ndi sisi limoza lakumutu wake; chifukwa wachitiya pamoza ndi Chiuta msana wale.” Viyo ŵanthu ŵanguwombo Jonafani, kuti wangufwa cha.

1 Samuele 14:45 ပူးပေါင်းရင်းမြစ်များ

2 Samuele 14:11

Munthukazi wanguti, “Ndimuŵeyani karonga, muŵeyere Ambuya Chiuta winu, mwakuti wakuwezge nduzga pa ndopa wareke kubaya so ŵanyake, ndipo mwana wangu wareke kubayika.” Karonga wanguti, “Ndarapa Ambuya amoyo, kuti liwengepo pasi cha nanga ndi sisi limoza lapa mutu wa mwana wako.”

1 ŴaKaronga 1:52

“Asani wakajirongonga kuti ndi munthu wakwenere, kuti sisi lake nanga ndi moza likawanga pasi cha; kweni asani utimbanizi wasanirika mŵaku iyo, wakafwanga.”

2 Mikoka 19:11

Wonani, Amaria mzukuru mura we pachanya pinu mu milando yose ya Ambuya, ndipo Zebedia mwana waku Yishumaeli, mweruzgi wa nyumba yaku Yuda ndi mura mu milando yose ya karonga; ŵaLevi ŵaŵenge nge mbateŵeti ŵinu. Chitani ndi kukhwima mtima, Ambuya aŵenge ndi ŵakutowa mu mtima!”

Nehemiya 9:27

Chifukwa cho munguŵapereka mu janja la ŵakupindikana ŵawo, ŵeniwo ŵanguŵapaska suzgu; ndipo mu nyengo ya masuzgu ghawo ŵangukuliriyani ndipo munguŵavwa ko kuchanya, ndi malisungu ghinu ghakuru mungaŵapaska ŵapozomoski wo ŵanguŵapozomoska kujanja la ŵakupindikana ŵawo,

Yesaya 13:3

Ine ndamweni ndalanguliya ŵakupaturika ŵangu, ndadana ŵanthazi kuti ŵafiske ukari wangu, ŵakutumbwa ndi ŵakujikuzga ŵangu.

Mateyu 10:30

Kweni masisi nagho gha mutu winu ghaŵerengeka ghose.

Luka 21:18

Kweni chingana ndi sisi laku mutu winu kuti lamkwanangika cha.

Machitidu gha Ŵakutumika 14:27

Ndipo ŵati ŵafikako ndi kuwunganiska mpingu wo, ŵangukonkhoma vyenivyo vyose Chiuta wanguchita nawo, ndi mo wangujuriya ŵaMitundu likomo la chivwanu.

Machitidu gha Ŵakutumika 15:12

Ndipo mzinda wo wose unguja chisisi; ndipo ŵategherezganga kwaku Barnaba ndi Paulo ŵachikonkhoma vyose visimikizgu ndi virwita vyo Chiuta wanguchitiya iwo mu ŵaMitundu.

Machitidu gha Ŵakutumika 21:19

Ndipo wati waŵatauzga, wakonkhomanga chimoza-chimoza vyenivyo wanguchita Chiuta mu ŵaMitundu ndi uteŵete wake.

Machitidu gha Ŵakutumika 27:34

Chifukwa chenichi ndikuŵeyereni kutoku chaukurgha: pakuti chenichi chituŵiya ku utaski winu; chifukwa kuti lisosokenge cha sisi laku mutu wa yumoza waku imwe.”

ŴaRoma 15:18

Chifukwa kuti ndamgangiya kurongoro kanthu cha, kweni kaku vyo Kristu wangutataliya mwaku ine, kuti ŵamuvwiye ŵaMitundu mu mazu ndi milimu,

1 ŴaKorinte 3:9

Chifukwa te ŵanchitu-ŵanase ŵaku Chiuta; ulimi waku Chiuta, uzengi waku Chiuta ndimwe.

2 ŴaKorinte 6:1

Ndipo taŵakutakatakiya pamoza nayo, tikuŵeyereni karonde wezi waku Chiuta kwaumbughuya cha.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 19:14

Ndipo maliŵanja ghakuchanya ghamrondonga pa ŵakavalo ŵatuŵa, ŵakuvwarikika bafuta mtuŵa ndi wakutowa.

1 Samuele 11:13

Kweni Sauli wanguti, “Palivi munthu yo wangabayika msana wale, chifukwa ndi zuŵa lo Ambuya ataskiya Yisraele.”

1 Samuele 14:23

Viyo Ambuya angupozomoska ŵaYisraele zuŵa liya; nkhondo yingurutiliya ndi kujumpha pa Bete-avene.

1 Samuele 14:46

Sono Sauli wangukwera kutuwa ku kurondo ŵaFilisti; ndipo ŵaFilisti wanguthaŵiya ku malo ghawo.

1 Samuele 19:5

Pakuti wanguŵika umoyo wake mu chikufi chake; ndipo wangubaya muFilisti, ndipo Ambuya anguchita utaski ukuru paku Yisraele yose. Munguwona, mungukondwere, na chifukwa nchine mulakwenge kumikana ndi ndopa zambura kafukwa, pakubaya Davidi wambura kafukwa?”