1 Samuele 14:40 - Tonga Bible 1986

⁴⁰ Wangukamba ndi ŵaYisraele, “Imwe mose mukajanga kumoza, ine ndi mwana wangu Jonafani tikajanga kuchiri kunyake.” Ŵanthu ŵanguti, “Chitani cho chose chingaŵa chamampha kwinu.”

1 Samuele 14:40 ပူးပေါင်းရင်းမြစ်များ

2 Samuele 15:15

Ŵateŵeti ŵa karonga ŵangunena ndi karonga, “Awonani taŵateŵeti ŵinu te muchanya kali kuchita cho chosi mbuyafwe karonga walangula.”

1 Samuele 1:23

Elkana murumi wake wangunena nayo, “Chita cho wapima kuŵa chakwenere, lindizga mpaka po wareka kumonkheska; mphanyi Ambuya pe akhozga mazu ghawo.” Viyo munthukazi wanguja konkheska mwana, mpaka po wangureka kumonkheska.

1 Samuele 14:36

Sauli wanguti, “Tiyeni tirondo ŵaFilisti ndi usiku ndipo tiskoŵe mpaka mawa ndi mlenji; kuti tisiyeko yumoza waku iwo cha.” Ŵanthu ŵanguti, “Chitani chose cho chingaŵa chamampha kwinu.” Kweni mzukuru wanguti, “Tiyeni tijinderezge kufupi kwaku Chiuta.”

1 Samuele 14:39

Chifukwa ndirapa Ambuya amoyo akutaska Yisraele, nanga wangaŵa mwaku Jonafani mwana wangu, kwakuneneska wakafwanga.” Kweni pengavi yumoza yo wangumwamuka mukati mu ŵanthu wose.

1 Samuele 14:41

Sono Sauli wanguti, “A! Ambuya Chiuta waku Yisraele, mwarekiyanji kundamuka nda mteŵeti winu msana uno? Asani mlando uwu we mwangu pamwenga mwaku Jonafani mwana wangu. A! Ambuya Chiuta waku Yisraele, paskani Urimi, kweni asani mlando uwu wemu ŵanthu ŵinu ŵaYisraele paskani Urimi, kweni asani mlando uwu wemu ŵanthu ŵinu ŵaYisraele paskani Tumimi.” Jonafani ndi Sauli ŵangukoreka kweni ŵanthu ŵangupozomoka.

1 Samuele 14:7

Wakupinga vidya wanguti, “Chitani chose cho mtima winu unweka; awonani, ine nde namwe, mo mtima winu uliri ndimu wangu nawo uliri.”