1 Samuele 14:15 - Tonga Bible 1986

¹⁵ Ndipo ŵangukoreka ndi mantha ghakuru, ŵamu ugoŵi, ŵamu dondo, ndipo ndi ŵanthu wose ŵamu linga, ndipo chingana mbakupopeska ŵangutenthema, charu chinguyaghayika; chitenthe chinguŵa chikuru ukongwa.

1 Samuele 14:15 ပူးပေါင်းရင်းမြစ်များ

Chiyambo 35:5

Ndipo penipo ŵarutanga wofi wakutuwa kwaku Chiuta unguŵa pa misumba yo yenga kwakuzunguliya iwo, viyo kuti ŵengavi kundondoloska ŵana ŵaku Yakobe.

2 Samuele 5:24

Ndipo asani utuvwa kayowozi wa mchapu muchanya mu miti ya balasama, mbwenu nawe sokiyanga muchanya; chifukwa ndikukuti Ambuya adanjiya paurongo pako kukoso nkhondo ya ŵaFilisti.”

Jobu 18:11

Chofyo chitumuwiya mu malo ghe ghose, ndi kumchimbizga muvuli mwa vikandilo vyake.

Sumu 14:5

Kwenikuwa ŵakaŵanga mu mantha ghakuru, pakuti Ambuya ŵe pamoza ndi mgonezi wa ŵakurunjika.

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Danyele 5:6

Viyo kawonekedu ka karonga kangusintha ndi maghanaghano ghake ghangundengulana.

Mateyu 24:6

Ndipo muvwenge zinkhondo ndi mbiri za zinkhondo; wonani, mungopanga cha: chifukwa vikaŵangapo vyenivyo; kweni kamaridu kuti ndikeniko cha.

Yoswa 2:9

wangunena nawo, “Ndiziŵa kuti Ambuya ŵakupaskani charu ichi, ndikuti chofyo chinu chasikiya paku ifwe, wose ŵakuja mu charu ichi ŵasongonoka paurongo pinu.

Ŵeruzgi 7:21

Ŵanguma munthu we yose mu malo ghake kwakuzunguliya ugoŵi wo; ndipo liŵanja lose la nkhondo linguthaŵa; ŵangubongo ndi kuthaŵa.

1 Samuele 13:17

Ndipo ŵakupopeska ŵangutuwa mu ugoŵi wa ŵaFilisti mu maliŵanja ghatatu; liŵanja limoza lingurazga ku Ofra, ku charu cha Shuala,

1 Samuele 13:18

Liŵanja linyake lingung'anamuka kurazga ku Bete-horoni, ndi linyake lingung'anamuka kurazga ku mphaka yakulereska pa chinkhwawu chaku Zeboimu mubozwa.

1 Samuele 13:23

Ndipo ŵamu linga la ŵaFilisti ŵangutuwa kurazga ku Mikimasa.

1 Samuele 14:14

Viyo kubayika kuwa kwakudanga ko Jonafani ndi wakupinga vidya ŵanguchita, kwenga akhumba ŵanthu machumi ghaŵi pa malo ghafinyi gha.

1 Samuele 14:16

Ŵalonda ŵaku Sauli pa Gibea waku Benjamini pakulereska; ŵanguwona mzinda umbininika uku ndi uku.

1 Samuele 7:10

Sono Samuele wachipereka mpasku wakocha, ŵaFilisti ŵangundere kufupi kurwana ndi ŵaYisraele; kweni Ambuya angudiririska ndi mazu gha nthazi pa ŵaFilisti zuŵa liya ndipo anguŵapong'a ku chimtimbaheka, ndipo ŵangupasuka paurongo pa ŵaYisraele.