1 Samuele 13:5 - Tonga Bible 1986

⁵ ŴaFilisti ŵanguwungana kuti ŵarwi nkhondo ndi ŵaYisraele magareta, vikwi machumi ghatatu (30,000) ŵanthu vikwi vinkhonde ndi chimoza (6,000) ŵakukwera pa ŵakavalo, ndipo ŵanthu ŵanguŵa nge ndi mchenga wapa likumba la nyanja mu unandi; ŵangukwera ndi kugoŵa mu Mikimasa ku vuma Bete-avene.

1 Samuele 13:5 ပူးပေါင်းရင်းမြစ်များ

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

2 Samuele 17:11

Kweni ine fundu yangu njakuti, ŵaYisraele wose ŵawungane kwako, kutuwa ku Dani mpaka ku Beresheba, nge ndi mchenga wapa likumba la nyanja unandi wawo, ndikuti imwe namwe mwaŵeni muruti ku nkhondo.

1 ŴaKaronga 20:27

Ndipo ŵaYisraele ŵanguŵerengeka, ŵangupaskika kamba, ndipo ŵanguruta kwachirwana nawo; ŵaYisraele ŵangugoŵa paurongo pawo ulaka nge nthumiskambu tumanatumana tuŵi twa mbuzi, kweni ŵaSiriya ŵanguzaza charu.

2 Mikoka 1:9

Ambuya Chiuta, sono lifiskike phanganu linu kwaku Davidi, pakuti mwandimika kuŵa karonga wa ŵanthu wo ŵenge ndi fuvu la charu mu unandi wawo.

Yesaya 10:28

waza ku Aiya, waporota mu Migroni, pa Mikimashi warongapo katundu wake,

Yesaya 48:19

ŵana ŵako ŵatinge ŵaŵenge nge ndi muchenga, ndipo mphapu yako uli ndi mbuto yake; zina lawo mphanyi kuti lingudumulikako cha pamwenga kuliparang'a paurongo pangu.”

Yeremiya 15:8

Ndandaniska vyoko vyawo, kwakuruska muchenga wa zinyanja; ndatole pa ŵanyinawo ŵa ŵanyamata, wakuŵananga ndi msana pakati; ndatuma kuŵaŵa ndi chofyu kuti viŵawiye kwa mabuchibuchi.

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

ŴaRoma 9:27

Kweni Yesaya wakutiya paku Yisraele: “Chingana unandi wa ŵana ŵaku Yisraele we nge ndi mchenga wapa nyanja, ŵakusiyika ndiwo ŵataskikenge.

Yoswa 11:4

Ndipo ŵangutuwa, pamoza ndi maŵanja ghawo gha nkhondo, chimzinda chikuru, ŵanthu ŵanandi nge ndi mchenga wapa likumba la nyanja, pamoza ndi ŵakavalo ŵanandi ndi magareta.

Yoswa 18:12

Kuchiri kunkhonde mphaka yawo yingwamba pa Yordane; kutuwa pa mphaka yikwere ku nkhondekwa Yeriko, yirutiliya kuporota mu charu cha mtunthu kuchiriku zambwe; yimaliya pa bozwa la Betavene.

Yoswa 7:2

Yoswa wangutuma ŵanthu kutuliya ku Yeriko kuya ku Ai wo we pafupi ndi Betavene, kumwela kwa Betele, wangunena nawo, “Kwerani mukaskoli charu cho.” Ŵanthu ŵanguruta ŵangwachiskola Ai.

Ŵeruzgi 7:12

Ndipo ŵaMidiyani ndi Amaleke ndi ŵanthu wose ŵaku Vuma ŵangula kundondoloska dambo uli ndi zombe mu unandi; ndipo ŵagamila ŵawo ŵenga ŵambura maŵerengeka nge ndi mchenga wapa likumba la nyanja mu unandi.

1 Samuele 13:11

Samuele wangumufumba, “Wachitanji?” Sauli wanguti, “Po ndiguwona kuti ŵanthu ŵathaŵa, ndipo kuti imwe mwengavi kufika mu mazuŵa gho ghangutemeka, ndi pakuziŵa so kuti ŵaFilisti ŵangungana pa Mikimasa,

1 Samuele 13:2

Sauli wangusankha ŵaYisraele vikwi vitatu (3,000); vikwi viŵi (2,000) ŵenga ndi Sauli mu Mikimasi, ndi mucharu cha mapiri cha Betele, ndi chikwi chimoza (1,000) ŵanga ndi Jonafani mu Gibeya waku Benjamini; ndipo wangutuma ŵanthu ŵanyake ŵakujapo ku muzi, munthu we yose ku hema lake.

1 Samuele 14:23

Viyo Ambuya angupozomoska ŵaYisraele zuŵa liya; nkhondo yingurutiliya ndi kujumpha pa Bete-avene.

1 Samuele 14:52

Ndipo kwenga nkhondo yinonono ndi ŵaFilisti mu mazuŵa ghose ghaku Sauli, asani wanguwona munthu wanthazi; pamwenga yo wenga ngwazi, Sauli wangumuto kuti wajenge nayo.

1 Samuele 17:1

Sono ŵaFilisti ŵanguwunjika maliŵanja ghawo ku kurwana; ndipo ŵanguwungana pa Soko, waku Yuda, ndipo ŵangugoŵa pakati pa Soko ndi Azeka, mu Efesdamimi.

1 Samuele 7:13

Viyo ŵaFilisti ŵangupundika, ndipo kuti ŵangusere so mu charu cha Yisraele cha. Janja la Ambuya lenga lakumikana ndi ŵaFilisti mu mazuŵa ghose ghaku Samuele.