1 Samuele 12:23 - Tonga Bible 1986

²³ Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

1 Samuele 12:23 ပူးပေါင်းရင်းမြစ်များ

1 ŴaKaronga 8:36

vwani imwe kuchanya ko, ndipo gowokiyani kulakwa kwa ŵaŵanda ŵinu, khamu linu Yisraele, po mutuŵasambizga nthowa yamampha yo ŵatenere kwendamo, perekani vuwa pa charu chinu, chenicho mukupaska khamu linu kuŵa chihara.

2 Mikoka 6:27

imwe muvwe kuchanya ndi kugowoke uheni wa ŵateŵeti ŵinu, ŵanthu ŵinu ŵaYisraele, ndi muŵasambizge nthowa yamampha mwaku yeniyo ŵatenere kwenda; mutume vuwa pacharu chinu, chenicho mwapaska ku ŵanthu ŵinu nge nchihara.

Sumu 122:6

Rombiyani chimangu ku Yerusalemu. Ŵasakate wose ŵakwanja iwe.

Sumu 34:11

Zaninga, mwa ŵana, vwani kwangu, ndikamusambizganinga kopa Ambuya.

Sumu 34:12

Njani munthu yo ngwakunweka umoyo, wakukhumba mazuŵa ghanandi, mwakuti wawone umampha?

Chituwa 32:30

Ndi mlenji Mosese wanguti ku ŵanthu, “Mwalakwa mwachita uheni ukuru. Ndipo sono ndikweriyenge ku Ambuya; akhumba ndingaziŵa kumuchitiyani mphepeska pa uheni winu.”

Nthanthi 4:11

Ndakurunguchizga nthowa ya zeru; ndakurongozga mu nthowa za kunyoroka.

Wakutaula 12:10

Wakutaula wangupenja kusaniya mazu ghakukondweska, ndipo kwakunyoroska wangulemba mazu ghakuneneska.

Yesaya 30:21

Ndipo makutu ghinu ghakavwanga mazu kuvuli kwinu, kuti, “Nthowa ndi iyi, yendaninga mwaku yo,” penipo mupatukiya ku marghe ndi penipo mupatukiya ku maze.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 27:18

Asani iwo mbamchimi, ndipo asani mazu gha Ambuya ghemwaku iwo, rekani ŵaŵeyere Ambuya ŵa maŵanja, kut viyaŵi vyo vikujamo mu nyumba ya Ambuya, mu nyumba ya karonga waku Yuda, ndi mu Yerusalemu vireke kutoreke ku Babiloni.

Yeremiya 42:4

Yeremiya wanguti kwaku wo, “Ndamuvwani, ehe, ndikarombanga ku Ambuya Chiuta winu nge ndimo mwapemphe, ndipo chenicho chose Ambuya akamukanga ndikuneniyeninge: kuti ndikabisanga kanthu kwaku imwe cha.”

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’

Machitidu gha Ŵakutumika 12:5

Viyo Petro wasungikanga mu ulinda wo: kweni pa chifukwa chake niniziku linguchitikiya kwaku Chiuta kwakufwiririyapo ndi mpingu wo.

Machitidu gha Ŵakutumika 20:20

po ndengavi kusisiya kanthu kakukovyani, ndi kukutauliyani pakweru, ndi ku nyumba ndi nyumba,

ŴaRoma 1:9

Chifukwa Chiuta ndi kaboni wangu, mweniyo ndimteŵete mu mzimu wangu mu evangeli wa Mwana wake, kuti kwambura kulekezga ndizumbuliya imwe mu marombo ghangu,

1 ŴaKorinte 9:16

Chifukwa chingana nditaula evangeli, kuti ndiwo utindipaska nthowa yakujikuzgiya cha. Pakuti nditutuzgika mtima. Owe soka ine, asani ndireka kutaula evangeli.

ŴaKolose 1:28

Ndiyo titaula ifwe, taŵakuchenjezga munthu yose ndikusambizga munthu yose muzeru yose, alinga kuti tipereke munthu yose wakufiskika mwaku Kristu.

ŴaKolose 1:9

Chifukwa chenichi ifwe nafwe, kwanda ku zuŵa lo tinguchivwiya, kuti tireka cha kumrombiyani ndi kupempha, kuti muzazike ndi chiziŵisku cha khumbo lake mu zeru ndi chiteska cha mzimu,

1 ŴaTesalonika 3:10

taŵakuromba ukongwa limu usiku ndi msana, kuti mphanyi tawona chisku chinu, ndi kumusazgiyaniko ku vyakupereŵe vyamu chivwanu chinu?

2 Timote 1:3

Ndimwonga Chiuta mweniyo nditeŵete kutuliya ku ŵaseku mu njuŵi yikhovu, kuti kwambura kulekezga ndikumbuka iwe mu maniniziku ghangu, ndawakunweka usiku ndi msama kukuwona,

1 Samuele 12:19

Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”

1 Samuele 8:6

Kweni ichi Samuele kuti chingumukondweska cha po ŵangunena nayo kuti, “Tipaskeni karonga wakutiusa.” Ndipo Samuele wanguromba ku Ambuya.