1 Samuele 12:20 - Tonga Bible 1986

²⁰ Samuele wanguti, “Rekani kopa mwachita uheni uwu wose, viyo sono rekani kupatukako kukurondo Ambuya, muteŵetiyeni ndi mtima winu wose;

1 Samuele 12:20 ပူးပေါင်းရင်းမြစ်များ

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Sumu 101:3

kuti ndiŵikenge kanthu kaheni paurongo pa maso ghangu cha. Nditinkha nchitu zaku wo ŵapatukako kwaku Chiuta; kuti ndibatikanenge nawo nanga nkhamana cha.

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

Sumu 40:4

Wakutumbikika ndi munthu yo Ambuya ndiwo chigomekezgu chake, yo kuti wang'anamukiya ku ŵakujikuzga cha, kwaku wo ŵapatukiya ku ŵachiuta ŵatesi!

Chituwa 23:25

Mukatataliyanga Ambuya Chiuta winu, ndipo ine ndikatumbikanga chiŵandi chinu ndi maji ghinu; ndipo ndikatuzgangamo matenda mukati mwinu.

Chituwa 32:30

Ndi mlenji Mosese wanguti ku ŵanthu, “Mwalakwa mwachita uheni ukuru. Ndipo sono ndikweriyenge ku Ambuya; akhumba ndingaziŵa kumuchitiyani mphepeska pa uheni winu.”

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Hagayi 2:5

kwakulingana ndi phanganu lo ndingupangana namwe penipo mwatuwanga mu Egipiti. Mzimu wangu uja mwaku imwe; lekani kopa.

Marangu 10:12

“Ndipo sono ŵaYisraele mwe, cho Ambuya Chiuta winu wakhumba kwaku imwe nkhopa Ambuya Chiuta winu kwenda mu nthowa zake zose, kumwanja, kuteŵete Ambuya Chiuta winu ndi mtima winu wose, ndi umoyo winu wose,

Marangu 11:16

Chenjeni, vinu mtima winu unganyengeka, ndipo mungang'anamuka ndi kuteŵete ŵachiuta ŵanyake ndi kuŵasopa

Marangu 31:29

Pakuti ndiziŵa kuti pavuli pa nyifwa yangu, kwakuneneska mwazamuchita kwaunyakazi ndi kupatuka mu nthowa yo ndamulanguliyani, ndipo mu mazuŵa gho ghakazanga, chiheni chikamuŵiyaninga chifukwa mukachitanga cho nchiheni mu maso gha Ambuya, kuŵakaripiska ndi nchitu za manja ghinu.”

Yoswa 23:6

Pa chifukwa ichi muŵe ŵakukoreska kusunga ndi kuchita vyose vyo vikulembeka mu buku laku Mosese, kwambura kung'anamukako kwaku lo kurazga ku marghe pamwenga ku maze,

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

1 Samuele 12:19

Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”