1 Samuele 12:19 - Tonga Bible 1986

¹⁹ Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”

1 Samuele 12:19 ပူးပေါင်းရင်းမြစ်များ

Chiyambo 20:7

Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

Jobu 37:13

Pamwenga nchifukwa chakuyirunjiska, pamwenga nchifukwa cha charu chake, pamwenga nchifukwa cha chanju chake, wativichita kuti viŵeko.

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

Chituwa 10:17

Iku sono, ndigowokiyeni ulakwi wangu, kenaka kamoza pe, ndipo ŵeyereni ku Ambuya Chiuta winu, kutuzgako nyifwa iyi kwangu.”

Chituwa 32:30

Ndi mlenji Mosese wanguti ku ŵanthu, “Mwalakwa mwachita uheni ukuru. Ndipo sono ndikweriyenge ku Ambuya; akhumba ndingaziŵa kumuchitiyani mphepeska pa uheni winu.”

Chituwa 9:28

Ŵeyereni Ambuya, pakuti kwaŵa kudiririska ndi vuwa ya matalala vyo vyaŵapo vinandi mbwenu; ndikakuzomerezganinga kuruta ndipo mukajanga so muno cha.”

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 27:18

Asani iwo mbamchimi, ndipo asani mazu gha Ambuya ghemwaku iwo, rekani ŵaŵeyere Ambuya ŵa maŵanja, kut viyaŵi vyo vikujamo mu nyumba ya Ambuya, mu nyumba ya karonga waku Yuda, ndi mu Yerusalemu vireke kutoreke ku Babiloni.

Yeremiya 37:3

Karonga Zedikiya wangutuma Yohukali mwana waku Shelemiya, ndi Zefaniya mzukuru mwana waku Masiya, kwaku Yeremiya mchimi, kuti, “Utirombe kwa Ambuya Chiuta widu.”

Yeremiya 42:2

ndi ŵanguti kwaku Yeremiya mchimi, “Zomerezga kuŵeyere kwidu kuvwike paurongo pako, ndipo utirombe ku Ambuya Chiuta wako, pa ŵakujapo yaŵa wose (pakuti nge ndimo utitiwone tajapo ŵamanavi chingana kali tinguŵa ŵanandi),

Malaki 1:9

“Ndipo sono ŵeyeriyani ulemu waku Chiuta mwakuti waŵe nafwe ndi lisungu. Kumbi walongonge lisungu kwaku we yose waku imwe yo wapereka cha wanangwa chaviyo? Atiti Ambuya ŵa maŵanja.

Maŵerengedu 21:7

Ŵanthu ŵanguza kwaku Mosese ŵanguti, “Talakwa pakuti tarongoro kwakumikana ndi Chiuta ndi imwe; rombani ku Ambuya, kuti atuzgeko kwidu njoka zo.” Viyo Mosese wanguŵarombe ŵanthu.

Machitidu gha Ŵakutumika 8:24

Ndipo wangwamuka Simoni, wanguti, “Muŵeyere imwe ku Ambuya pa chifukwa changu, viyo kuti kangandiziya cha kamoza kaku vyo mwakamba.”

Yakobe 5:15

Ndipo rombo lo la chivwanu limtaskenge murwali yo, ndipo Ambuya akamyuskanga; ndipo asani wachita vilakwa, vireke kiyengeko kwaku iyo.

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.

1 Samuele 12:13

Sono awonani karonga yo mwasankha ndi mweniyo mungufumba; ehe, Ambuya amupaskani.

1 Samuele 12:17

Asi nchivuna cha trigu msana wale? Ndidanenge ku Ambuya, mwakuti atumi chidiririzi ndi vuwa; ivi viziŵiskenge imwe kuti uheni winu ngukuru ukongwa, wo mwachita mu maso gha Ambuya, pakujipemphe imwe mwija karonga.”

1 Samuele 12:20

Samuele wanguti, “Rekani kopa mwachita uheni uwu wose, viyo sono rekani kupatukako kukurondo Ambuya, muteŵetiyeni ndi mtima winu wose;

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

1 Samuele 7:5

Samuele wanguti, “Wunjikani Yisraele yose ku Mizpa, mwakuti ndikurombiyeni ku Ambuya.”

1 Samuele 7:8

Ndipo ŵangunena ndi Samuele, “Rekani kurekezga kuliya ifwe ku Ambuya Chiuta widu, kuti watipozomoske ku ŵaFilisti.”

1 Samuele 8:6

Kweni ichi Samuele kuti chingumukondweska cha po ŵangunena nayo kuti, “Tipaskeni karonga wakutiusa.” Ndipo Samuele wanguromba ku Ambuya.