1 Samuele 12:15 - Tonga Bible 1986

¹⁵ kweni asani murekenge kuvwiya mazu gha Ambuya, ndi kuthaŵako ku marangu gha Ambuya, janja la Ambuya liŵenge lakumikana namwe, imwe ndi karonga winu.

1 Samuele 12:15 ပူးပေါင်းရင်းမြစ်များ

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

Yesaya 3:11

Owe ku muheni! Kukamuŵiyanga uheni, pakuti vyo manja ghake ghachita vikachitikiyanga kwaku iyo.

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

Marangu 31:27

Pakuti ndiziŵa mo mulili ŵakugaruka ndi ŵanonono. Ehe, penipo ndeche wamoyo pamoza namwe, le mwaŵagarukiya Ambuya. Pavuli pa nyifwa yangu kwazamukuŵa uli!

Yoswa 24:20

Asani musiyenge Ambuya ndi kutataliya ŵachiuta ŵachilendo, po ndipo wakang'anamukanga ndi ku muchitiyani urwani, kukumarani, pavuli pakukuchitiyani umampha.”

Ŵeruzgi 2:15

Penipo pose ŵangwenda janja la Ambuya lingumikana nawo kuŵachitiya uheni, nge ndimo Ambuya anguŵachenjezge, ndipo uli ndimo Ambuya angurapiya kwaku wo; ndipo ŵenga mu kuŵaŵa kwakufinyirizgika.

1 Samuele 12:9

Kweni ŵanguruwa Ambuya Chiuta wawo; rekani anguŵaguliska mu janja laku Sisera, nduna ya nkhondo yaku Yabini karonga waku Hazoro, ndimu janja la ŵaFilisti, ndimu janja la karonga waku Moabu; wangurwa kwakumikana nawo.

1 Samuele 5:9

Kweni wanguti ŵalitore kuwa, janja la Ambuya lingumikana ndi msumba uwa, kuŵapaska suzgu yikuru ukongwa anguŵasuzga ŵanthu ŵamu msumba, wose ŵamana ndi ŵara, ndi nthenda ya vitupatupa.