1 Samuele 10:27 - Tonga Bible 1986

²⁷ Kweni ŵanyake wo wengavi kwenere ŵatinge, “Watitaskenge uli munthu uyu?” Ŵangumuyeya ndipo kuti ŵangumuziya ndi vyawanangwa cha. Kweni iyo wanguja chete.

1 Samuele 10:27 ပူးပေါင်းရင်းမြစ်များ

2 Samuele 20:1

Ndipo wengako kweni kuwa munthu zereza yo zina lake lenga Sheba mwanamunthurumi waku Bikri muBenjamini; iyo wangumba mbata wanguti, “Ifwe tilivi chigaŵa mwaku Davidi, ndipo tilivi chihara mu mwana waku Jese; munthu yose ku hema lake, imwe ŵaYisraele!”

2 Samuele 8:2

Wangupunda ŵamoabu, ndipo wanguŵapima ndi chingwi wanguŵagoneka pasi; wangupima mizere yiŵi kuti ŵabayike, ndipo muzere utali umoza kuŵasiya ŵamoyo. ŴaMoabu ŵanguŵa ŵaŵanda kwaku Davidi ŵangupereka mthulu.

1 ŴaKaronga 10:25

Yose waku wo wanguza ndi chaulera chake, vinthu vya siliva ndi golide, vivwaro muro, minkhwani yachema, ŵakavalo, ndi nyulu vyenivi nandi chirimika ndi chirimika.

1 ŴaKaronga 4:21

Solomoni wanguwusa pa maufumu ghose kwamba ku Efrate kwachifika ku charu cha ku ŵaFilisti ndi ku mphaka ya Egipiti, ŵanguza ndi mithulu, ŵangutataliya Solomoni mazuŵa ghose gha umoyo wake.

1 ŴaKaronga 5:1

Sono Hiramu karonga wa Turo wangutuma ŵateŵeti ŵake kwaku Solomoni, wanguti wavwa wapakika kuŵa karonga mu malo gha awiske; chifukwa Hiramu nyengo zose wangwanja Davidi.

2 Mikoka 13:7

ndipo ŵanthu ŵanyake ŵaŵakaŵaka ŵawungana kwaku iyo ndi kujikwimiska kumikana ndi Rehoboamu mwana waku Solomoni, penipo Rehoboamu weche mwana wa mtima uteta wambura nthazi kulimbana nawo kuti wajitaski.

2 Mikoka 17:5

Pa chifukwa ichi Chiuta wangukhozga ufumu mu janja lake; ndipo Yuda yose wanguza ndi vyawanangwa kwaku Yehosafati; wenga ndi usambasi ndi ulemu ukongwa.

Sumu 38:13

Kweni ine nge ndi mgota, kuti ndituvwa cha, nge ndi munthu mbuwu yo kuti wajura mlomo wake cha.

Sumu 72:10

Ŵakaronga ŵaku Tarshishi ndi ŵarau virwa ŵakaperekanga mipasku; ŵakaronga ŵaku Sheba ndi Seba ŵakamuziyanga ndi mithulu.

Wakutaula 7:21

Ungategherezganga kwaku vyose vyo ŵanthu ŵakamba cha, vinu ungavwa mteŵeti wako wachikutemba;

Yesaya 36:21

Kweni ŵanguja chisisi kuti ŵangumwamuka nanga ndi mazu ghamoza cha, pakuti langulu la karonga lenga, “Mungamwamukanga cha.”

Mateyu 2:11

Wangusere mu nyumba, ndipo ŵanguwona mwana ndi Mariya anyina; ndipo ŵakuwa pasi ŵangumlambiya. Ndipo ŵati ŵabanuwa mbiku zawo; ŵangupaska mipasku, golide, libane, ndi muro.

Machitidu gha Ŵakutumika 7:35

“Mwenuyu Mosese, yo ŵangumkana, ŵakuti, ‘Njani wakumika iwe kuŵa mura ndi mweruzgi?’ Ndiyo Chiuta wangutuma mura ndi so muwombozi ndi janja la mungelo yo wangumuwoneke mu chivwati cho.

Marangu 13:13

kuti ŵanthurumi ŵaŵaka ŵanyake ŵatuwa mukati mwinu ndi kulandizga ŵanthu ŵamu msumba kuti, ‘Tiyeni tikateŵete ŵachiuta ŵanyake,’ wo mulivi kuŵaziŵa,

1 Samuele 11:12

Sono ŵanthu ŵangukamba ndi Samuele, “Mbayani wo ŵatinge, ‘Kumbi Sauli wangaziŵa kutiwusa?’ Titoriyeni ŵanthu yaŵa mwakuti tiŵabaye.”

1 Samuele 11:13

Kweni Sauli wanguti, “Palivi munthu yo wangabayika msana wale, chifukwa ndi zuŵa lo Ambuya ataskiya Yisraele.”

1 Samuele 16:20

Sono Jese wanguto mbunda wanguyipingizga viŵande, ndi thumba la vinyo ndi kamwana kambuzi, wangu vitumizga kwaku Sauli pa janja laku Davidi.

1 Samuele 2:12

Ŵana ŵaku Eli ŵenga ŵanthu ŵambura kwenere; ŵengavi kuchitiya ulemu Ambuya.

1 Samuele 25:17

Mu chifukwa ichi uziŵe ndi ughanaghane paku cho ungachita; pakuti uheni wasimikizgika kuchitikiya pa mbuyafwe ndi pa nyumba yake yose, ndipo we ndi umoyo uheni mwakuti yumoza kuti wangakamba nayo cha.”