1 Samuele 10:26 - Tonga Bible 1986

²⁶ Sauli nayo wanguruta ku nyumba yake ku Gibea, ndi pamoza nayo ŵanthu ŵanthazi wo Chiuta wangukwaska mitima yawo.

1 Samuele 10:26 ပူးပေါင်းရင်းမြစ်များ

2 Samuele 21:6

tipempha tipaskeni mu ŵana ŵake ŵanthurumi ŵankhonde ndi ŵaŵi mwakuti tiŵapayike pa maso pa Ambuya pa Gibeoni pa phiri la Ambuya.” Ndipo karonga wanguti, “Ndiŵaperekenge.”

Ezra 1:5

Ndipo ŵangusoka ŵaraŵara ŵa mafuku gha ŵaYuda, ndi ŵaBenjamini, ndi ŵazukuru ndi ŵaLevi, ndi wose wo ŵangurongozgeka ndi Chiuta kuruta kwachizenga so nyumba yaku Chiuta mu Yerusalemu.

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

Yesaya 10:29

wambuka pa fita, wagona pa Gebe ndi usiku, Rama watenthema, Gibea waku Sauli wathaŵa.

Machitidu gha Ŵakutumika 13:48

Ndipo ŵachivwa ŵaMitundu ŵakondwanga, ndipo ŵakankhuskanga mazu ghaku Chiuta: ndipo ŵanguvwana wo wose ŵangutemeke ku umoyo wamuyaya.

Machitidu gha Ŵakutumika 7:10

ndipo wangumutaska ku masuzgu ghake ghose, ndipo wangumpaska wezi ndi zeru paurongo paku Farao karonga wa Egipiti mweniyo wangumumika mura pa Egipiti ndi panyumba yake yose.

Yoswa 18:28

Zera, Haelefe, Yebusi (yo ndi Yerusalemu), Gibea, ndi Kiriata-jearimi, misumba chumi ndi yinayi ndi mizi yake. Ichi nchihara cha fuku laku Benjamini kwakuyana ndi mbumba yake.

Ŵeruzgi 20:14

Sono ŵaBenjamini ŵanguza pamoza ku Gibea kutuwa mu misumba, kwachirwana nkhondo ndi ŵaYisraele.

1 Samuele 11:4

Mathenga ghanguti ghafika ku Gibea kwaku Sauli, ndi kukamba makani yagha mumakutu gha ŵanthu; ŵanthu wose ŵanguliya ukongwa.

1 Samuele 13:2

Sauli wangusankha ŵaYisraele vikwi vitatu (3,000); vikwi viŵi (2,000) ŵenga ndi Sauli mu Mikimasi, ndi mucharu cha mapiri cha Betele, ndi chikwi chimoza (1,000) ŵanga ndi Jonafani mu Gibeya waku Benjamini; ndipo wangutuma ŵanthu ŵanyake ŵakujapo ku muzi, munthu we yose ku hema lake.

1 Samuele 15:34

Pavuli paku ichi Samuele wanguruta ku Rama, ndipo Sauli wangukwere ku nyumba yake ku Gibea waku Sauli.